Rutas: Itzulia, jaitsiera beste bide batetik

Sandrati edo San Adrian aldetik Aizkorrira igotzeko nahiz jaisteko bi bide jasotzen ditu arrastoak. Igoera IEko hegi malkartsuan gora egiten du, eta jaitsiera Zalduendo aldeko bidean behera.

Igoerako bidea ondo seinalatuta dago (2010-8-16) pintura marka horiekin eta arrastoa nabarmena da. Aldapa tarte batzutan handia izanagatik bideak zailtasunik gabe gainditzen du sigi-saga eginez. Pagadiko itzaletik atera eta tontorrerako azken txanpan sartzen denean, oso ikuspegi ederrak eskaintzen ditu.

Honako bide hau ere Lescundik (Biarno) abiatzen da.
Autoa, Anapia deritzon txabolen ondoan utziko dugu, herritik kilometro pare bat mendebaldera, 975 metroko garaieran eta hego-mendebalderantz jarraituko dugu errepidetxoa, Ansabereko bailarara hurbiltzeko. Ordu erdi ostean, erreka zeharkatu eta berriro ipar-ekialderantz jotzen duenean, aparkatzeko leku handia dagoela ikusiko dugu eta hantxe bertan, bailaran gora, hego-mendebalderantz Ansabereko txaboletarantz abiatzen den pista hartuko dugu.

Usategietako mendatean (693m) hasiko dugu ibilbidea, Basa Kabi hotelaren parean. Errepidea zeharkatu eta Leitza eta Goizuetako errepideen artean hasten den pista zabalean hasiko gara ipar-mendebalderantz. Pista hau metro batzuetan bakarrik jarraituko dugu: pistatik atera eta gure gainean ikusten diren ur-bitegi batzuen aldera joko dugu, malda gogorrean gora. Ehiza postuz postu dabilen bidexka bati jarraituko dugu, ipar-mendebalderantz. Malda gogorra da, eta batzuetan pagadi txikietan barrena sartuko gara, baina norabideari eutsiko diogu.

Ibilbidea Itzaltzu herrixkatik bi kilometrora hasiko dugu, Uztarrotzeko errepideko 40. kmra iritsi baino metro batzuk aurrerago. Bagolako zubia zeharkatu eta pista batek gora eramanen gaitu. Autoa metro batzuk sar dezakegu errepidetik aldentzeko, baina pista nahiko egoera kaskarrean dago.

Ibilbide egokia bero egunetarako, bide gehiena hostapean eginen baitugu. Arrarats herrian hasiko dugu ibilbidea. Elizaren ezkerretik pista zabal bat hasten da. Saihesbideei kasurik egin gabe, pista honek Otsolako larreetara eramanen gaitu ordu laurden batean. Ez gara larreetan gehiegi barneratuko. Berehala zurezko gezi bat ikusiko dugu eskuin aldean. Pista bat sigi-saga eramanen gaitu Arketako lepora Ozpegaiña eta Begaña mendien artean. Hemen bidea utzi eta zuzenean ekinen diogu Begañako bizkarrari, hego-ekialderantz.

Orbaitzetatik abiatuko gara. Herriko azken etxeak atzean utziko ditugu pista zabal batetik. Hiru pista daude, erdikoa aukeratuko dugu, behientzako estalpe handi baten parean pasatzen dena. Estalpe horren aurrean preseski utziko dugu pista: egurrezko gezi adierazle batek basoan sartuko gaitu. Hemendik aurrera marka zuri-berdeek basoan sigi-saga eramanen gaituzte. Luze gabe, beste kartel batek bidea bitan banatzen dela adieraziko digu. Ezkerretara joz, Urtziloa harpera hurbilduko gara. Harpea ederra da, baina murru batek eta etxola batek itsusten dute.

Uharte Arakildik San Migelera doan hormigoizko pista hartuko dugu. 8 km (gutxi gora behera) eginda, Pamplonagaineko trikuharria eta bihurgune itxi baten ostean, eskuinaldean pista zabal bat ikusiko dugu. Autoa aurreko zabalgunean utz dezakegu. Pistan gora egin eta Atako harratera iritsiko gara. Behean Atako ibar estu eta ederra ikusiko dugu. Hara jaitsi eta pistan gora eginen dugu, ekialderantz. Erroldan Harriaren ondotik igaro, eta norabideari eutsiko diogu.

Ekainaren 26ko eguraldi ederra aprobetxatu dut Enirio inguruaz gozatzeko, eta tontorretatik dauden bistez aberasteko.
Ibilbidean zehar baso, ur eta larre ugari ikusi dut. Aralarreko Lizarrusti aldeko sarrera horrek horretarako aukera ematen baitu.

Ibilbide laburra eta erraza. Trikuharri bat eta tumulu baten aldamenetik pasatzen da.