Rutas: Joan-etorria bide beretik

Muru mendia eta Ugarrongo harroila ezagutzeko txango labur atsegina. Ugarrongo trikuharria bistatzen da.

Elorregiko Kaskoa eta Urrizpilota mendiak Izpegiko lepotik igotzeko ibilbide atsegin eta ederra.

Lapurdiko mendirik garaiena. Nafarroako Otsondo mendatean eskuinaldera joko dugu errepidexka batetik Arretxexuriko leporaino. Bertan aparkatu eta iparralderantz joko dugu. Ibilbideak pista saihesten du zenbaitetan, batzuetan bideko monumentu megalitikoak ikusteko. Lizartzu, Antsestegi eta Iguzkimendi mendiak eskuragai izanen ditugu. Ibilbide luzea da.

Arradoi mendira igotzeko bide labur-laburra. Hartxuriako orientazio mahaia igotzen duen errepidean autoa utzi eta ordu erdiz joanen gara gailur itxi honetaraino. Txangoa berez oso interesgarria ez denez, Hartxuriako orientazio mahairaino joan gaitezke autoz edo oinez.

Jara mendia igotzeko ibilbide zuzena, pistetan barrena tarte gehienetan, astuna egin daiteke, beraz. Autoa Jauberribordaren saihesbideraino igo genezake, errepide zati bat saihesteko.

Ezkirin-Añolatz mendia Plaxaxelai lepotik. Kateko beste hainbat mendi izanen ditugu eskuragai, berez ibilbide laburra den honetan.

Txanagra eta Egiluzea mendiak Garaioa herritik. Irurigietako zutarriraino luzatuko dugu ibilbidea, eta Bizkailuz mendia ere eskuragai izanen dugu.

Arriedergain eta Ugagibel mendiak Aezkoako Hiriberri herri ederretik. Gainaldean kontuz ibiliko gara elurra, eguraldi kaskarra edo lainoa denean.

San Bernabe eta Abrigo Harria Untzuetik. Ibilbide ederra Alaitzko harri ikusgarri hauek igotzeko.

Santa Agata eta inguruko gainak aukera egokia izan daitezke iparralderagoko mendietan eguraldi kaskarra dagoenean, edo besterik gabe EHko beste bazter batzuk ezagutu nahi denean. Nolanahi ere, katalogoan egoteak ez du erran nahi mendi hau tasun handirik daukanik: gailurrean errepetidorea aurkituko dugu, ikuspegi arras mugatuak, eta porlanezko pista ala sasiak harturiko bidexkak aukeratu beharko ditugu igotzeko.