Rutas: Joan-etorria bide beretik

Zaraitzuko mendi ez oso ezagun hau igotzeko ibilbide erraza, betiere bidean barrena. Lehen kilometroa autoz egin dezakegu, pista oso egoera onean baitago, baina paisaiaz gozatu nahi izanez gero, ederragoa da oinez egitea.

Arburua mendia igotzeko ibilbide labur eta erraza. Betiere bide egokietan barrena. Baseliza eta behatoki aparta bisitatuko dugu lehen eta gero, mendiko gailurrera joan: zuhaixken artean erdi ezkutaturiko txartelontzi bat.

Hiriberrin lurrezko pista bat hartu behar da ipar-mendebalderantz hasi eta berehala iparrerantz zuzen igotzen dena. Saihesbideei kasurik egin gabe, pista honek Ortxolako lepoko zelaietan jarriko gaitu. Hemendik zuzenean mendebalderantz joz iritsiko gara tontorrera. Bertan pagadi zabala hasten denez, ez dugu paisaia handirik ikusiko, baina bide osoan zeharreko ikuspegiak ezin ederragoak dira.

Pausaran mendia Josepita lepotik. Gorraitz edo Imizkotzetik iritsi gaitezke haraino, autoz zein oinez. Imizkotzeko pista oso egoera txarrean zegoen 2008an. Bide egokietan barrena igoko gara. Eskalada erraz bat egin beharko da azken zatian, baina arreta eta kontua eskatzen duena. Gailurrerainoko azken metroak -20 bat- sasiak harturik daude.
Txango hau Elkerekin elkar daiteke, baita Jaun Done Jakue mendiarekin ere.

Alaitz mendilerroan ukitu gabe gelditzen zen mendi bakarrenetakoa zen hau, azken aldian erasoa jasan eta orain antena eta pistek urratu dute. Iruñerria suntsitzen ari gara. Ibilbidea, nolanahi ere, eder eta erraza da.

Ibilbide luzea, Kukula mendia igotzeko. Ibilbide hau ez da batere gomendagarria euri sasoian Pintano ibaia hainbat aldiz zeharkatu behar baita. Azken txanpa burdinazko sirga baten bidez egin behar da, batzuentzat zaila gerta daitekeena.

Mendilatz gaina igotzeko ibilbide erraz eta atsegina. Nahi izanez gero, lehenbiziko kilometroak autoz egin ditzakegu, errepide estu baina ongi zaidua baita. Autoa Bizkondeko bordaren ondoan utz genezake. Mendilatzeko bizkarrean ez dago biderik eta arriskutsua izan daiteke lainoa edo eguraldi txarra dagoenean. Kontuz ibiliko gara halaber ibilbidetik atera eta Mendilatzeko hegietan barrena egiten badugu, lapiaz deseroso batekin topo eginen baitugu.

Eskaleramendi, Arthanolatze, Txardeka, Mendibeltza, Bagargiak lepotik. Txango erraza baina luze eta bidetik kanpo. Kontuz ibiltzeko modukoa elurra, lainoa edo eguraldi kaskarrarekin.

Errola, Otsamunho eta Osatxar Meharroztegiko lepotik. Txango ederra, biderik gabe baina zailtasun handirik gabe, Aldudeko bazter hauek ezagutzeko. Kontuz ibiliko gara, nolanahi ere, eguraldi txarra eginez gero.

Girizu, Urtarai eta Lindus mendiak Ibañeta mendatean hasten den pista zabaletik. Autoa 1.1 kilometroan utzi, ehiztari etxoloa dotore baten ondoan eta bideari lotuko gatzaizkio.