|
Rutas: Bizkaia
Submitted by Jose on 2012, Diciembre 6 - 20:45.
Categorías |
Bakio, Bermeo, Sukarrieta |
ABIAPUNTUA |
Bakio |
Esquema |
Bakio - San Pelaio - Burgoa - Garbola - Sollube mendatea - Katillotxu - Sukarrieta |
GR 123 Bizkaiko Biraren 2. etapak Bakio eta Sukarrieta lotzen ditu. 3 tontorretatik pasatzen den arren (Burgoa, Garbola eta Katillotxu), gorabehera gutxiko etapa da. Gainera, ez da beharrezkoa aipatutako tontorretatik igarotzea, hirurak ingura baitaitezke tontorrera igo gabe.
GRaren marka zuri-gorriak badaude, baina hemen proposatzen den ibilbideak hasieran eta amaieran baino ez ditu jarraitzen, Bizkaiko Biraren jatorrizko ibilbideari ahalik eta fidelen izateko asmoarekin, Bermeora jaitsi gabe Sollube mendatetik igarotzen baita, ahalik eta altuera gutxien galduz Katillotxura gerturatzeko.
Ibilbidearen lehenengo erdian mendi bide zabalak dira nagusi. Sollube mendatetik aurrera aldiz asfalto gainean bide luze xamarra egiten da, Katillotxuko tartea salbu.
Submitted by Jose on 2012, Noviembre 11 - 12:06.
GR 123 Bizkaiko Biraren 1. etapa Plentziatik abiatzen da, eta Bakio du helmuga, hiru tontorretatik pasa eta gero: Ermua, Urizarmendi eta Jata. Mendi apalak izan arren, ibilbideak gorabehera asko ditu, eta ondorioz kostaldeko etapen artean gogorrena dela esango nuke.
Nahiko asfalto gutxi zapaltzen da. Mendi bide erosoak jarraitzen dira gehienean. GRaren seinale gutxi batzuk baino ez daude (2012ko udazkena), eta GPSaren laguntza eskertzen da zenbait tartetan.
Submitted by Jose on 2012, Agosto 20 - 08:35.
Categorías |
Bedia |
ABIAPUNTUA |
Ereño (Bedia) |
Esquema |
Ereño – Mandoia – Ereño |
Submitted by Jose on 2012, Agosto 5 - 16:19.
Categorías |
Galdames |
ABIAPUNTUA |
Peñas Negras |
Esquema |
Peñas Negras – Cerrillo lepoa – El Sauco – Urallaga kobazuloa – Muniziaga – La Elvira – Peñas Negras |
Grumeran mendietan duela urte batzuk izan ziren meatzaritza jardueren aztarnak ezagutzeko aukera eskaintzen dizkiguten markatutako 7 ibilbide abiatzen dira Peñas Negras Ingurumen Interpretazioko Zentrotik. Horietako bat da oraingoan proposatzen dizuedana. “Burdinaren bidea” edo “Goialdeko ustiaguneak” izena du, eta kolore moreko margoz seinaleztatuta dago. El Sauco eta La Elvira meatzari guneez gain, Urallaga kobazuloa eta bere barnean dagoen Magdalena ermita ere bisitatuko ditugu.
Submitted by Jose on 2012, Junio 23 - 23:26.
Categorías |
Barrika |
ABIAPUNTUA |
Barrika |
Esquema |
Barrika - Muriola - Kurtziomendi - Goierri - San Telmo - Barrika |
Barrikako Kurtzio Mendi Taldeak antolatuta, I. Ibilaldi Herrikoia ospatu da gaur (2012/6/23). Hauxe izan da ibilbidea.
Submitted by Jose on 2012, Junio 10 - 19:50.
Categorías |
Barrika, Plentzia, Sopela |
ABIAPUNTUA |
Sopelana |
Esquema |
Sopelana - Arrietara - Sopelmar - Kurtzimendi - Barrika - Muriola - San Telmo - Plentzia |
7. Kosta Trail ospatu da gaur (2012/6/10), hiru aukerarekin:
- Lasterketa: 30 Km
- Mendi ibilaldia: 20 Km
- Ibilaldi familiarra: 10 Km
Ibilaldi familiarraren ibilbidea hauxe izan da.
Submitted by Jose on 2012, Mayo 13 - 20:25.
Sopelako Urko Mendi Taldeak antolatuta, XXVII. Herri Ibilaldia ospatu da gaur (2012/5/13). Hauxe izan da ibilbidea.
Submitted by Jose on 2011, Diciembre 4 - 23:06.
Submitted by inaxio on 2011, Noviembre 19 - 19:21.
Categorías |
Bizkaia |
ABIAPUNTUA |
Saturraran Hondartza |
Esquema |
Saturraran Hondartza - Ondarroa - Lekeitioko errepidea - Lekeitio - Gernikako errepidea - Marierrota - Mendexako errepidea - Asterrika - Ondarroa |
Ondarroa eta Lekeitio ezagutzeko ibilbide aproposa eta zailtasun gutxikoa. Ondarroatik Lekeitiorako bidea egiteko errepidea jarraitzen du (ez da trafiko haundirik izaten) eta itzulera Mendexa aldetik egiten du, mendialdetik. Mendexa eta Azterrika artean dagoen bidea zakarra da tarte labur batzuetan, baina gainontzean ez du aparteko zailtasunik. Azterrikatik Ondarroara porlanezko pista zabalak dira, maldan behera.
Submitted by Jose on 2011, Octubre 24 - 09:24.
Categorías |
Bizkaia, Gueñes |
ABIAPUNTUA |
Saratxo |
Esquema |
Saratxo – Zaula – Camporredondo – Eretza – Los Helechos – Zaula – Saratxo |
Saratxo auzunean kotxea aparkatzeko aukerarik ez dagoenez, auzunera iritsi baino lehen azken bihurgunean ezkerretara irteten den hartxintxarrezko bide bat hartuko dugu, eta kilometro erdi inguru aurrerago dagoen bihurgune batean utziko dugu kotxea, bide bazterrean. Eretza ikus dezakegu toki honetatik.
Botak jantzita, eta motxila bizkarrean, ibilaldiari hasiera emango diogu. Bide nagusia jarraitu beharrean mendebalderantz doan bidexkatik joko dugu. Bide asko elkartzen diren lepo batetara iristean, suebakian gora doan bidezidorretik jarraituko dugu. Malda gogorrari aurre eginez gorantz goazela, bide nagusiagoak gurutzatuko ditugu, daramagun norabideari eutsiz beti ere. Camporredondo izenaz ezagutzen den muino batetara iristean, Eretzaren ikuspegi ederra izango dugu aurrez aurre. Suebakian zehar jarraituko dugu, maldan behera tarte labur batez, eta berriz ere gora, geroz eta aldapa handiagoarekin. Eretzako tontorretik behera jausten diren malkarretara iritsi baino zertxobait lehenago, bidezidorrak eskuineko altzifre basora eramango gaitu, malkarrak gainditu ahal izateko pasarte eroso baten bila. Eta laster tontorrera iritsiko gara.
|
|