Saratxotik Eretzara suebakia jarraituz

Jose-k sortua, 2011, urria 24 - 09:24
Ibilbide mota Itzulia, jaitsiera beste bide batetik
Zailtasuna Zailtasun gutxikoa
Lurraldea Bizkaia, Gueñes
ABIAPUNTUA Saratxo
Eskema Saratxo – Zaula – Camporredondo – Eretza – Los Helechos – Zaula – Saratxo
Lotuta »Eretza (mendi)
Gora-behera500 m
Luzera6.3 Km
Iraupena2:00 - 2:30
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Saratxotik Eretzara suebakia jarraituz
Ekialdetik ikusita

Saratxo auzunean kotxea aparkatzeko aukerarik ez dagoenez, auzunera iritsi baino lehen azken bihurgunean ezkerretara irteten den hartxintxarrezko bide bat hartuko dugu, eta kilometro erdi inguru aurrerago dagoen bihurgune batean utziko dugu kotxea, bide bazterrean. Eretza ikus dezakegu toki honetatik.

Botak jantzita, eta motxila bizkarrean, ibilaldiari hasiera emango diogu. Bide nagusia jarraitu beharrean mendebalderantz doan bidexkatik joko dugu. Bide asko elkartzen diren lepo batetara iristean, suebakian gora doan bidezidorretik jarraituko dugu. Malda gogorrari aurre eginez gorantz goazela, bide nagusiagoak gurutzatuko ditugu, daramagun norabideari eutsiz beti ere. Camporredondo izenaz ezagutzen den muino batetara iristean, Eretzaren ikuspegi ederra izango dugu aurrez aurre. Suebakian zehar jarraituko dugu, maldan behera tarte labur batez, eta berriz ere gora, geroz eta aldapa handiagoarekin. Eretzako tontorretik behera jausten diren malkarretara iritsi baino zertxobait lehenago, bidezidorrak eskuineko altzifre basora eramango gaitu, malkarrak gainditu ahal izateko pasarte eroso baten bila. Eta laster tontorrera iritsiko gara.

Jaitsiera beste bide batetik egingo dugu. Mendebaldeko malda belartsuan behera joko dugu, Saratxotik datorren bide zabal batetara iritsi arte. Bide hau jarraituz Eretzaren iparraldeko magala zeharkatuko dugu, gorako bidean pasa dugun bide asko elkartzen diren lepora arte. Jada ezaguna dugun bidetik laster iritsiko gara kotxea utzi dugun tokira, ibilaldiari bukaera emanez.

EranskinaTamaina
Eretza.gpx68.42 KB
Irudiak

***

****

****

****

***

****

****

****

****

****

****

***

*****

***

***


****

****

****

***