|
Rutas: Euskal Herria
Submitted by ietxaburu on 2009, March 7 - 13:52.
Categorías |
Iparraldea |
ABIAPUNTUA |
Ainhoa |
Esquema |
Ainhoa-Bizkailuze-Dantxarinea-Ainhoa |
Lapurdiko Ainhoa herritik abiatuko gara (40 m).
Herriaren atzealdeko (eki aldera) aparkaleku zabaletik, ekialdera, maldan gora hasten den pista zabaletik, GR-10 jarraituz, ordu erdi batean, 350 m. gorago dagoen kaperara iritsiko gara.
Ipar ekialdera Erebi tontorra dugu. Bideak ezkerretik inguratzen duen arren, gu tontorrerantz zuzen joango gara. Hogei minutu beranduago tontor zabalean gaude (583 m. 00:50).
Submitted by Jose on 2009, March 7 - 11:18.
Categorías |
Nafarroa |
ABIAPUNTUA |
Gaintza |
Esquema |
Gaintza – Intzako Dorrea – Unaga – Abateko lepoa – Intza – Gaintza |
Arrasto honetako ibilaldia Gaintza herritik abiatzen da, eta Mailoetako igoera ikusgarrienetako batetan zehar Intzako Dorrera igotzen da. Ondoren hegoalderantz jaisten da, Unagako zelaiak zeharkatzen dituen bidearen bila, eta Ttutturre eta Alborta mendien arteko Abateko lepotik igarota Intza herrira jaisten da, handik Gaintzara itzultzeko.
Submitted by JAG on 2008, Diciembre 11 - 05:26.
Categorías |
Iparraldea, Nafarroa |
ABIAPUNTUA |
Jauregizarreko lepoa |
Esquema |
Jauregizarreko lepoa, Malgorra Ttipia, Baltzazarra, Malgorra, Baltzazarra, Jauregizarreko lepoa |
Jauregizarreko lepoa Zuberoan dago, Larrainen, Nafarroako (Otsagabia) mugaren ondo-ondoan. Donaxaharretik Burdinkurutxeta igo ondoren, Iratiko Etxolatik hegoaldera 7 km errepidetik eta beste 6 km pistatik. Iratiko Etxolan karabanen aparkalekua dago eta aurrerago Chalet de Pedro ostatua. Pistaren hasieran "Route barrée" jartzen du, Bagargin (bide honen beste muturrean) langa omen dagoelako, baina Jauregizarreko leporaino ez dago oztoporik (autoz hel daiteke baina paseada zoragarria da). Gailurretik tontorrik tontor doa ibilbidea.
Submitted by zuriain on 2008, Diciembre 10 - 09:06.
Categorías |
Nafarroa |
ABIAPUNTUA |
Leireko monasterioaren aparkalekua |
Esquema |
Leireko monasterioaren aparkalekua-Ardibidea-La Cerrada ataka-La Cerrada mendia-Peñagujereada-Oso. |
Leireko monasterioaren aparkalekutik abiatuko gara iparralderantz. Etxe abandonatu baten ondotik igarota, ardibide zabalari jarraituko diogu, malda gogorretan gora, pista bizpahirutan zeharkatuz, baina uneoro ipar-ekialdeko norabideari eutsiz. Kastellar haitzen azpitik igaroko gara eta azken metroak sigi-saga eginen ditugu, La Cerrada atakara iritsi arte. Bertan zurezko kartel gezidun bat aurkituko dugu. Ezkerretara joz (mend.) Kastellar edo Arangoiti mendietara joanen gara.
Submitted by JAG on 2008, Diciembre 3 - 04:55.
Categorías |
Nafarroa |
ABIAPUNTUA |
Irabiako aparkalekua (Otsagabitik 24 km Taplan barrena, edo GR-11tik Abodi zeharkatuta) |
Esquema |
Aparkalekua - Itsu Osin - Lizardoia - aparkalekua |
Otsagabitik Iratiko etxeetara 24 bat kilometro egin ondoren, Irabia urtegiko aparkalekuan hasten da ibilbidea. Iparralderantz, "Itsu Osin / Cascada del Cubo" seinaleak markatzen duen pista hartu, autoak ez pasatzeko dagoen langa igaro eta hamar bat minututan Itsu Osinera helduko gara. Merezi du, pistatik irten eta errekara jaitsita, gutxienez 5 minutu ematea ur-lasterra ikusten (giro onarekin, itzulitakoan bainutxo bat).
Submitted by Jose on 2008, Noviembre 24 - 22:50.
Categorías |
Bizkaia, Cantabria |
ABIAPUNTUA |
Santa Cruz |
Esquema |
Santa Cruz – Alen – Betaio – Santa Cruz |
Jarraian azaltzen den ibilbidea, Artzentaleseko auzoa den Santa Cruzetik abiatzen da, Alen igo, handik Betaiora arteko mendi-bizkarrean zehar ibili, eta bigarren tontorra egin ondoren, Santa Cruzera itzultzeko. Tontor hauek, Enkarterrietako eta Kantabriako ekialdeko kostaldeko paisaietaz gozatzeko behatoki apartak dira. Horretaz gain, duela gutxira arte bizirik egon diren zenbait mehatz ustiapenen aztarnak ikusi ahal izango ditugu bidean.
Submitted by ietxaburu on 2008, Noviembre 19 - 21:04.
Categorías |
Gipuzkoa |
ABIAPUNTUA |
Aia (Ataungo auzoa) |
Esquema |
Aia, Lareo, Sarastarri, Agaotz, Urkillaga, Aia |
Aia izeneko Ataungo auzo txikitik, eliza ondotik, abiatuta, errepidean behera metro gutxi batzuk eginda, ezkerretara, langa baten beste aldetik, marra zuri/gorriz seinalatutako bide bat ikusiko dugu. Bide hau hartu eta marra zuri/gorriak jarraituz, Arbilleta baserriaren azpitik eta ondoren Aiagerre baserriaren albotik, aurrera jarraituz pistatik, ekialderantz, ordu laurdenean, errekara iritsiko gara.
Submitted by ietxaburu on 2008, Noviembre 18 - 20:21.
Categorías |
Nafarroa |
ABIAPUNTUA |
Kakueta arroilaren hasiera |
Esquema |
Kakuetaren mendebaldeko mendietan gora, Anhauko lepotik, Binbaleteko Lepotik, Kartxelara. Berriro Binbaleteko Lepora, Arrakagoiti Lepora eta ipar alderantz, Kakuetaren eki aldetik, hasieraraino |
Kartxila mendiaren alderik dotoreena Belagua aldera dagoena den arren, ez hain ohikoa den aldetik igotzeko proposamena doakizue.
Zuberoan badaude hiru arroila oso famatuak: Ehujarre, Kakueta eta Holtzarte. Hiruetatik turistikoena, Kakuetakoa da. Bada inguru honetatik egingo dugu. Igoera, arroilaren mendebaldetik eta jaitsiera arroilaren ekialdetik
Submitted by Jose on 2008, Octubre 26 - 09:19.
Categorías |
Bizkaia |
ABIAPUNTUA |
Saldropo |
Esquema |
Saldropo – Atxuriko pasabidea – Atxuri – Arralde – Saldropo |
Saldropoko hezegunea Gorbeiara igotzeko ohiko abiapuntua da. Baina Gorbeiaraino joan gabe, ibilaldi polit bat egiteko behar diren hainbat osagai biltzen ditu Arralde eta Arimegorta artean luzatzen den mendi-gainak ere: basoak estalitako guneak eta lapiaz eremu irekiak, malkarrak eta hauek gainditzeko pasabide bitxiak, bide zabalak eta estuak, leunak eta aldapatsuak, eta ikuspegi zabalak. Saldropoko hezegunearen ondoan dagoen aparkalekutik abiatuta, mendi-gaina Atxuriko pasabidearen bitartez harrapatuko dugu, eta mendi-gaineko lapiazean zehar zeharkaldi bat egin ondoren Arraldeko tontorrera iritsiko gara, beste bide batetatik jaitsita ibilaldi zirkularrari amaiera emanez.
Submitted by Jose on 2008, Octubre 21 - 22:05.
Categorías |
Nafarroa |
ABIAPUNTUA |
Lizarmeaka |
Esquema |
Lizarmeaka lepoa – Orabidea – Zuretako lepoa – Alkurruntz |
Otsondo mendatetik Amaiurrerantz jaisten 500 metrotara errepidea Lizarmeaka lepotik igarotzen da. Lepo honetan dagoen atsedenlekua Alkurruntzera igotzeko abiapuntu egokia da. Jarraian azaltzen den igoerak mendia eskuinaldetik inguratzen du, mendebaldeko basoa zeharkatuz, tontorra atzealdetik harrapatzeko, Zuretako lepotik.
|
|