Rutas: Euskal Herria

Oiakarizketa eta Peña Txikita mendiak igotzeko ibilbide atsegina, Peña Grande edo Esparatzeraino ere luza litekeena. Txarakardia gainetik ere igaroko gara. Eskalada ttiki bat egin behar da Peña Txikitara igotzeko, arriskua neurtu egin behar da igo aurretik.

Migoleta eta Brakola mendiak Argiloaingo baselizatik. Betiere bide egokietan barrena.

Madalen Harria eta Urbaran mendiak Madotz herritik. Batzuetan bidetik kanpo edo nahiko bide itxietan barrena ibiliko gara. Arreta eta mendian ibiltzeko ohitura beharrezkoak dira. Trackean eta mapan ikusiko dituzuen lerro zuzen-zuzenak gpsa itzalita eramatearen ondoriozkoak dira: zati horietan etorritako bidetik itzuli behar da.

Ligarrieta eta Lirain mendiak Aintzioa herritik. Bidean trikuharri bat ikusiko dugu.

Ibilbide luzea. Bizkondeko bordan autoa utzi (Orbaitzetako Olatik Organbide lepora doan pistan) eta Soroluxeko lepora igoko gara zuzenean, GRko markak segituz. Arnostegiko lepora iritsita, Leitzatekara igo eta gainez gain jarraituko dugu iparralderantz, Beillurtiraino. Itzultzeko, gorabeherak apur bat saihesteko, pistatik egin dezakegu Arnostegiko lepora. Urkulu ere igo genezake lepo horretatik. Kontuz ibiltzeko moduko ibilbidea da eguraldi kaskarrarekin edo elurrarekin, gehienetan bidetik kanpo ibiliko baikara.

Kedarbe eta Garbitz mendiak bisitatzeko ibilbidea. Inguruko trikuharriak ere bisitatuko ditugu. Batzuetan bidetik kanpo eta ingurune nahiko basati batean barrena ibiliko gara. Ezinbestekoak orientazio tresnak eta mendian ibltzeko ohitura.

Irunberriko Trinitateko baseliza Loitiko errepidetik ikusten bada ere, susmoa dut mendizale gutxi hurbiltzen direla mendi horietara, eta merezi du txango hau egitea Leire mendilerroko txoko hauek ezagutzeko.
Ibilbidea Irunberriko Iturbero kanpinaren parean hasiko dugu. Atariaren aurrean pista bat ikusiko dugu bihurgune itxi bat egiten duena. Autoa handik gora ere eraman dezakegu ehun bat metroz, baina aparkatzeko toki nahiko desegokia da. Trinitatearen baselizara daraman gurutze bidea bilatuko dugu. Erraza da: harrizko gurutze handiak edonondik ikusten dira.

Ekialterrea-Intzaga-Mintxaiturria mendiak igotzeko ibilbidea gehienetan bidean barrena, baina batzuetan bidetik kanpo. Ikuspegi zoragarriak gainaldean.

Burdindogi eta Goitiko Gaina mendiak igotzeko ibilbidea. Burdindogiko trikuharriak ikusiko ditugu bidean, baita aurrerago dagoen behatokia ere. Leate eta Goitiko Gainetatik igaroko gara eta zuzenean Eztelegiko talaiara jaitsi, biderik gabe. Txango zaila bere bigarren zatian, mendian ibiltzeko ohitura eskatzen duena.

Lapazarra mendia Oloron aterpetik. Azken gandorrak bidetik kanpo egin beharko ditugu, paisaia ezin ederragoak miretsiz. Mendian ibiltzeko ohitura eta arreta behar dira.