Rutas: Euskal Herria

Larzabaletik Maulerako bidea hartuta, Oskaxe mendatean gora, eskuinetik, Hozta herrira eroango gaituen errepidea hartuko dugu. Hamar bat kilometro egingo dugu ibar eder batetik eta Hoztara helduko gara. Gainean, gure eskuinean, dagoen mendia Nethe dugu, eta bertatik abia gintezke. Baina are errazagoa izango da, errepideari eutsi, 'Col des Palombieres' norabidea markatzen duen kartelari jarraitu, eta bidean gora egin kotxez.

Lakabeko aparkalekuan utziko dugu autoa. Pistan gora ehun bat metro joanda, ur putzu baten ondoko bihurgune itxi batean, pistatik atera eta iparralderantz eginen dugu gora. Laster iturri eder bat ikusiko dugu. Bideari jarraituko diogu iparraldetik. Bidegurutzeetako batean, lurrean dagoen harri batean margo gorri bat ikusiko dugu: ezkerretara (eki) joko dugu orain.

Leitzatik etorrita, Goizueta pasa eta pare bat kmra, jauregi baten ostean hasten den errepidexka hartu ezkerraldera. Errepideak Gorostingo leporaino iristen da, baina km bat lehenago izugarri kaskartzen da, hobe dugu autoa bertan utzi -tokia dago-.
Lepora iritsita, hego-mendebaldetik iristen den bizkar luzeari ekinen diogu. Hoberena, bizkarraren ertzetik doan bidexka hartzea da. Malda handia beste zailtasunik ez dugu izanen Amonamotzeko kaskora iristeko.