Puntal de Abajo de Ukerdi

Larrako labirinto karstikoa ezagutzen hasteko helburu aproposa da Puntal de Abajo de Ukerdi hau, izan ere GR12aren arrastoak bere oinean utziko gaitu Belaguako aterpetik abiatuta. GRak mendia iparraldetik inguratu eta bere ekialdeko hegiaren oinean utziko gaitu. Handik aurrera, mendia bera igotzeko, komeni da GPSaren laguntza eta arrastoren bat eramatea, amildegiak saihestu eta karaitzak eratutako orografia nahasian ez galtzeko. Karaitza eta haren gainean sakabanatutako pinu beltzek osatutako paisaia ederra da oso, harrigarria. Ura soinean eraman behar da, inguru hartan ez da iturririk. Tontorrean tako geodesiko bat baino ez, harripila xume baten ondoan, pinu beltz sorta baten gerizan.