Kaxeta-IrumugetaSubmitted by Xabiaram on 2019, Diciembre 11 - 22:29.
Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz (2019-09-21) Arratsalde pasako mendi ibilaldia. 3,5 orduko iraupena. Ibilaldia Ataungo Kaxeta auzoan abiatzen da, Lizarraustiko errepideak Aia auzorako Hemen baserrien ondotik doan pista hartuko dugu hasieran eta berehala murgilduko gara basoan. Hemendik aurrera Bernoako Galtzada bezala ezagutzen den aintzinako bidea izango dugu lagun goraino. Igoera entretenigarria da basoan barna eta bere malda ere badu. Behin mendilerro gainera iritsitakoan honi jarraituko diogu tontor txiki pare bat ikutuz bidean, Argonitz (936m) eta Hirumugeta (965m) pagadi inguru ederrean. Mendilerro berean trikuharri bikain pare bat ere ikusi ahalko dugu, Bernoa eta Argonitz-ko trikuharriak hain zuzen. Hirumugeta tontorrean XVIII. mendeko mugarri zahar bitxi bat ere ikusiko dugu. Itzulera bidea egiteko Hirumugeta hegoaldeko sendatik jeitsiko dugu eta gero mendebalderako norabidean Bernoako lepora eramango gaituen bidezidorra jarraituko dugu, joanekoaren berdina. Bernoako lepotik behera Kaxetara eramango gaituen pista zabalenari jarraituko diogu malda handian behera, abiapuntura iritsi arte.
|