Antenara doan bidetik Jatara igoera

Jose-k sortua, 2016, urria 12 - 10:58
Ibilbide mota Joan-etorria bide beretik
Zailtasuna Erraza
Lurraldea Bakio, Maruri-Jatabe
ABIAPUNTUA
Lotuta »Jata (mendi)
Gora-behera200 m
Luzera3.9 Km
Iraupena1:00 - 1:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Antenara doan bidetik Jatara igoera
Iparraldeko bizkarretik ikusita

Jatara igotzeko biderik errazena izango da honako hau, ziurrenez. Bakio eta Armintza arteko errepidetik komunikazio antenetara iristen den bidea baliatzen du tontorrera gerturatzeko. Porlanezkoa da bide hau hasieran, eta kotxearekin nahiko gora igo daiteke. Atsedenlekua baino zertxobait gorago, ur depositu baten ondoan dagoen bidegurutze bat izan daiteke abiapuntu egokia.
Bide zabal honetatik gorantz jarraituz, laster desagertuko da porlana, hartxintxarrezko bide bihurtuz. Aldapa leuneko zuzengune batek Jatako bi tontorren arteko lepora eramaten du.
Kontrako magaletik aurrera egiten duen bidetik jarraitu beharrean, mendi-bizkarretik doan bidezidorra har daiteke. Aldapa maldatsua du hasieran, baina laster leuntzen da, eta berehala tontorrera iristen da.

EranskinaTamaina
Jata.gpx35.38 KB
Irudiak

***

***

***

***