Arbasamendi

Larrogain eta Aintzioako Harrien hegoaldean Labia mendilerroak altuera eta erliebea galtzen du, baina Ekietako pinudietan galdu aurretik, Ukua eta Arbasamendiko gandorrak altxatzen ditu, azken erronka gisa.
Herrixka erdi despopulatuen eskualde batean gaude, eta bizirik irauten duten herriak aspaldi hil zirenen hondakinen ondoan bizi dira: Alotz, Zazpe, Gurpegi, Esnotz... galdutako mundu baten berri ematen digute.
Gain ederra da Arbasamendi, haren perfil liraina zirraragarria da Karrobideko tuneletik ateratzean. Iparralderago, Peñaondoko lepoak Maldandi edo Azerizulo gain apalagoa dago, txango eder baten osagarria izan daitekeena.
Zonalde honetako bideak ez daude oso garbi, eta ez da gomendagarria xendra urrietatik ateratzea, sasietako infernu batean amaitu nahi ez badugu. Ukua-Arbasamendi zeharkaldia, adibidez, altuera galduz eta pistatik egitea gomendatzen dut, nik behintzat ez banuen bide zuzenik aurkitu.