Anbotoko tontorretik Mariren kobara jaitsiera

Jose-k sortua, 2015, urtarrila 22 - 20:36
Ibilbide mota Joan-etorria bide beretik
Zailtasuna Zaila
Lurraldea Atxondo, Bizkaia
ABIAPUNTUA Anboto
Eskema Anboto – Gerriko koba – Mariren koba
Lotuta »Mariren koba (leize) »Anbotoko tontorretik Mariren kobara jaitsiera (ibilbidea) »Gerriko koba (leize) »Anboto (mendi)
Gora-behera200 m
Luzera1.4 Km
Iraupena1:15 - 1:30
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Anbotoko tontorretik Mariren kobara jaitsiera
Mariren kobara doan bidea hego-ekialdeko aurpegiko erlaitz batetan zehar

Anbotoko tontorretik Mariren kobara jaisteko, lehenik eta behin iparralderantz jaisten hasi behar da, Anboto Sakonan bailara aldapatsuan zehar Arrazolara jaitsi nahi balitz bezala. Bidezidorra ez da batera nabarmena. Ipar-ekialdeko aurpegia Anboto Sakonarengandik bereizten duen ertzetik hurbil jaisten da, eta Anboto Sakonera pasatzeko bidezidorrak ezkerretara jiratzen duenean, eskuinerantz hartu behar da, gutxi antzematen den beste bidezidor bat jarraituz, ipar-ekialdeko aurpegia alderik alde zeharkatzeko. Hasieran metro batzuk jaisten dira, baina ondoren tarte lau bat dago haitz leun baten azpialdetik.

Tarte hau kobazulo baten ahoan bukatzen da. Hau ez da Mariren koba, hego-ekialdeko aurpegira igarotzea ahalbidetzen duen berezko pasabide bat baizik. Gerriko koba du izena. Kobazuloa zeharkatuta, erabat bertikala den hego-ekialdeko aurpegiaren erdian dagoen erlaitz batera irteten da, Artaungo Sakona izena duen bailaratxoa baino 200 edo 300 metro gorago.

Erlaitzean aurrera egiten duen bidezidor estutik jarraitu behar da. Pasarte txar bat bakarrik dago. Ikusi ez arren antzematen den altuerak zirrara eta beldurra eragiten badu ere, helduleku onak daude, eta kontu pixka batekin arazorik gabe gainditzen da. Erlaitzetik jarraituz laster Mariren kobara iristen da.

EranskinaTamaina
Mariren_koba.gpx4.24 KB
Irudiak

****

****

****

****

****

***

****

****

***

***

***