Erlaitz

Aiako Harriaren Ipar-Ekialdean nabarmentzen den gain bat da, ikuspegi zabala eta irispide errazekoa, Irundik Aiako Harrira igotzen den errepidetik oso gertu gelditzen baita. Tontorrak berak urradura handiak ditu inguruan, hainbat eraikinen hondakinak eta bunker bat ere bai. Baina ibilbide politak egiteko aitzakia egokia ematen die Irungo mendizaleei, Enbido aldeko trenbide zaharra baliatuta.