Monterria

Monterria Atuzkarratz mendilerroko azken mendi garrantzitsua dugu mendebalderantz. Larraitze sakanak bereizten du Migoleta-Urrua katetik eta borda ugari aurki ditzakegu haren maldetan.
Badirudi haren izenak ez duela zerikusitik gaztelaniazko "monte"rekin, beihala Minterria edo Muiterria izenak jaso baitzituen. Hori bai, seguruenik erderazko hitzak eragina izan zuen izenaren bilakaeran.
Monterria ez da mendi ikusgarria, baina bertatik ikusten diren paisaia zabalek zein txoko ederrek bisita egitea gomendatzen dute: Hobeki ezagutuko ditugu Zaraitzu eta Atuzkarratz mendiak. Gasbide bat igarotzen da gailurretik oso gertu eta horrek apur bat itsusten du paraje eder hau.