Lizardoia

Lizardoia ez da Iratiko mendirik altuena ez paisaia ederrenak eskaintzen dituena. Mendi honen interesa goitik behera estaltzen duen basoan datza. Lizardoiako Erreserba Osoan ia 50 metroko pago eta izeien ondoan ibil gaitezke. Oihan birjina da, sekula ez baita ustiatu, eta zuhaitz bikainez gain fauna oso aberatsa aurki dezakegu.
Lizardoiara igotzeko ohiko abiapuntua Iratiko Etxeetako aparkalekua da. Pista harriztatuan lehen ehunka metroak eginik, pista zaharretan barrena eginen dugu Lizardoiako malda pikuetan gora. Erran bezala, gailurra ia erabat itxita dago, eta hegoalderako ikuspegia bakarrik izanen dugu bertati. Paisaia zabalagoak nahi dituenak hurbileko Ahuntzbideko gandorrera igo beharko du.