Leziñera

Illon mendilerroa mendebaldean San Kirikon hasi eta ekialderantz luzatzen da gorabehera handirik gabeko gandor harritsu eta ezpelez josi batean Ollateko harrateraino. Bertatik igarotzen da Nafarroako ardibiderik garrantzitsuena eta hala izan da aurrehistoriako garaietatik, inguruan aurki daitezkeen monumentu megalitiko ugariak lekuko.
Lezinera edo Valdeollato ez da oso mendi ezaguna eta haraino eramaten duten bideak erdi itxita daude. Hala ere, mendi ahantzi hau Borreguilgo igoerarekin elkar daiteke, txangoa apur bat luzatu eta Illongo beste bazter batzuk ezagutzeko. Bestalde, inguru horietako trikuharrien bisitaldi baten osagarria izan daiteke.