Eskisun

Otsa mendilerroko azken gorunea dugu Eskisun, baina ez da Elke edo Korona-Erratzu bezain ospetsua. Txintxurrenea eta Iñarbe arroilen artean zabaltzen den mendilerro hau penintsula bihurtu zen Itoitzko urtegia eraiki zenean. Gorabehera handirik gabeko mendilerroa izanik ere, ikuspegi oso zabalak eskaintzen dituen mendia dugu Eskisun, batez ere hurbileko urtegi erraldoiaren gainean. Txangoa osatzeko, Otsa herri despopulatua bisita dezakegu.