Burgos

Jose-k sortua, 2017, apirila 8 - 09:14
Kategoriak Burgos
ABIAPUNTUA Santiago iturriko aparkalekua
Eskema Santiago iturria – otsozulo berria – Delikako ur-jauziko behatokia – otsozulo zaharra – Las Paúles kobazuloa – Santiago iturria

Santiago iturriaren inguruko aparkalekutik abiatuta, trafikoari itxita dagoen bide zabal batek Delikako ur-jauziko behatokira eramaten du. Itzulera pagadian barrena doan bidezidor polit batean zehar egin daiteke, tartean Las Paúles kobazuloaren ahoa bisitatuz.

Las Paúles
Las Paúles kobazuloa
Udalerria: Burgos.
Jose-k sortua, 2017, urtarrila 29 - 22:15
Kategoriak Aiara, Amurrio, Burgos, Urduña, Urkabustaiz
ABIAPUNTUA Lendoño Goitia
Eskema Lendoño Goitia – Iturrigorri – Bedarbide – Solaiera – Txolope – Txarlazo – Urduña mendateko errepidea – Santiago – Delikako ur-jauzia – Bertzeta – Bagate – Barrerilla mendatea – Beratza – Aloria

GR 123 Bizkaiko Biraren 11. etapa bezala aurkezten den hau ez dago beste etapetako ibilbideei lotuta. Araba eta Burgoseko lurrek inguratuta eta Bizkaiko gainontzeko herrietatik bereizita dagoen Urduña eta inguruetako mendiak dira etapa honetan zeharkatzen direnak. Hortaz, gainontzeko etapen segidaren edozein unetan egin daiteke bertara jauzi, eta Orozkotik pasatzean egitea proposatzen da, Gorbeiako eta Arrolako etapen artean, gertutasunean oinarrituta.

Luzea. Oso luzea da etapa hau. Birako luzeena. Baina horretaz aparte, ibilbidea xamurra da. Urduñako auzoa den Lendoño Goitiatik abiatzen da, eta Urduñako bailara mugatzen duten Gorobel mendikateko zenbait tontor, Santiago mendia, eta Gibijo mendikatearen mendebaldeko ertza zeharkatuta, Arrastariako Aloria herrixkara jaisten da.

Behin mendi-gaina harrapatzen denetik aurrera mendi-hertza jarraitzen da ibilbide guztian zehar. Tartean tontor askotatik igarotzen da: Gorobel mendikatean Iturrigorri (Tologorri bezala ezagunagoa dena), Bedarbide, Solaiera, Txolope eta Txarlazo; Santiago mendia; eta Gibijo mendikatean Bertzeta, Bagate eta Beratza. Baina gorabeherak txikiak dira, eta beherantz gehiago gorantz baino, tontorrik altuenak ibilbidearen hasieran baitaude, eta aurrera egin ahala pixkanaka-pixkanaka altuera galtzen da.

Jarraitu beharreko bidezidorrak oso garbiak dira gainera, uneoro mendi-ertza jarraituz, esan bezala. Hortaz, luzeraz gain ez dago zailtasun aipagarririk. Baina bada kontutan izan beharreko beste kontu bat, udan batez ere. Iturri bakarra dago ibilbide osoan, eta hasieran dago gainera, Iturrigorri iturria. Ibilaldi osorako ura aldean eraman behar da beraz.

Busnela trikuharria

Pareta eta sabai bezala egiten duen berezko haitz handi bat eta horren kontra zutik jarritako zazpi harlauzak osatzen dute. Trikuharritzat jo izan da aspalditik, baina tumulurik ez izateak zalantzan jarri omen du.

Jose-k sortua, 2010, urtarrila 2 - 13:14
Kategoriak Araba, Bizkaia, Burgos
ABIAPUNTUA Lendoño Goitia
Eskema Lendoño Goitia – Senda Negra – Barrerillako ataka – Bedarbide – Barrerillako ataka – Tologorri – Barrerillako ataka – Senda Negra – Lendoño Goitia

Garobel mendikatearen gainaldeko larreetara igotzeko biderik ezagunenetako bat Lendoño Goitiatik Barrerillako atakara igotzen dena da, Bedarbide eta Tologorri tontorren artean.

Jose-k sortua, 2009, uztaila 1 - 21:22
Kategoriak Bizkaia, Burgos
ABIAPUNTUA Goiko Landeta
Eskema Goiko Landeta – Goldetxoko ataka – Txarlazo – Goldetxoko ataka – Txolope – Solaiera – Goldetxoko ataka – Goiko Landeta

Arrasto honetako ibilaldia Goiko Landeta izenaz ezagutzen den parajean hasten da. Solaiera eta Txolopeko ipar-ekialdeko magalak zeharkata, Goldetxoko atakan harrapatzen du mendi-bizkarra. Lepo honetatik Txarlazora igotzen da lehenengo, eta Txolope eta Solaierara gero, igotako bide beretik jaitsi aurretik.

Las Pisas ur-jauzia

Garaiera: 760 m. Abiapuntuak: Villabáscones de Bezana.

Errepideko behatokitik ikusita

Garaiera: 635 m. Abiapuntuak: Valdelateja, Pesquera de Ebro.

Jose-k sortua, 2009, apirila 25 - 11:36
Kategoriak Bizkaia, Burgos, Cantabria
ABIAPUNTUA La Escrita mendatea
Eskema La Escrita – Campo de Ribacoba – Burgüeno

Karrantza eta Villaverde lotzen dituen La Escrita mendatea eta Burgüenoren artean gorabehera gutxiko mendi-bizkar bat luzatzen da. Jarraian azaltzen den ibilbideak mendi-bizkar hori jarraitzen du Burgüenoren barrenean dagoen Campo de Ribacoba lepora iritsi arte, eta ondoren ezkerraldetik inguratzen du, beti igoera bide errazaren bila, tontorra hegoaldetik harrapatzeko.

JFdeA-k sortua, 2008, urtarrila 6 - 13:27
Kategoriak Araba, Burgos
ABIAPUNTUA Nograro
Eskema Nograro-Mota-Cueto-Nograro

Nograro Arabako Gobiaran koadrilako herria dugu. Arabaren mendebaldean dago, Artzena mendi zerraren Iean.
Herritik Hra jo. Herritik bertatik ateratzen den pistaz baliatuz.
Ez galdu bi tontorren (Mota, ekialdera, eta Cueto, mendebaldera) erreferentzia, irteera honen zailtasuna pisten eta bideen ugaritasuna baita.
Jo bi tontor horien artean dagoen mendi lepora. Bertotik tontor batera eta bestera ordu erdiko bidea dago.
Tontorrak Bi bailaren arteko mugak ditugu: Losa eta gobiaran. Eta ikuspegia zoragarria: Hra Umion, Obarenes, Demanda; Mra Balderejo, Europako tontorrak; Ira Salbada, Gorbeia, Anboto; Era Kantauri mendi zerra, Aitzgorri, San Donato.