Alitzako Malkorra

Oderitz eta Goldaratz artean harrotutako karaitz multzo handian hainbat tontor nabarmentzen dira, hiru bereiziki: Illarraunduko Malkorra, Larrazpil eta honako hau, Alitzako Malkorra. Hau, apalagoa izanik, ez du besteen arreta jaso itxura batean mendizaleen aldetik: ez da arrasto nabarmenik tontorraren inguruan (ez da harritzekoa ere, oso arkaiztsua baita) eta ez du ez erpin geodesikorik eta ez txartelontzirik; ikuspegia ere mugatua da, nahiz eta tontorretan pagoak nahikoa bakanduta egon. Baina bada altueran ia beste biak adina, metro gutxiren aldea dago hiruren artean, eta ezin horregatik aipamen bereizirik gabe utzi. Hirurak horren gertu egonda erraza da ibilaldi berean biltzea.