Solano Mayor

Cerumen eta Valdelosotos sakanak bereizten dituen mendia dugu Solano Mayor. Benasako arroilak bisitari nahiko erakertzen dituen arren, ez dirudi inguruko mendiek antzeko arreta jasotzen dutela. Solano Mayor, hurbileko Puyaloteren antzera, gain intersgarria da, sakanen arteko bere kokapena estrategikoagatik. Hegietan eta gainaldean basoa nagusitzen bada ere, gailur garbia du, panorama handiekin. Bideak pixkanaka ixten ari dira, baina arreta apur batekin aurki daitezke ibitzeko moduko xendrak. Gailurretik eta Benasako aparkalekuaren arteko gandor harritsuak ere interesa gehitzen dio mendi ezezagun honi.