La Venera

Azedo herritik iparraldean gain ez oso nabarmen batzuk daude, Kodes eta Lokiz mendilerroen artean zabaltzen diren baso sarriek estalita. Venera eta Cierzo gainak ez dira oso ikusgarriak, eta zuhaitzek ez digute paiasia handirik ikusten utziko, baina mendixka hauek aitzakia izan daitezke Vasco-Navarro trenbide zaharra ezagutzeko.

Vasco-Navarro trenaren lanak 1914an hasi ziren, Lizarra eta Gasteiz lotzeko. 1929an amaitu zen bi hirien arteko zatia. Orduz geroztik, Lizarratik Bergararaino joan zitekeen trenez. Zoritxarrez, trena 1967ra arte bakarrik egon zen indarrean. Egun trenbidearen ibilbidearen zati handiak bide berde bihurtu dira, txango ederrak egiteko aukera emanez.