Ollaran

Itoizko urtegia mendebaldetik inguratu ostean, Labia mendilerroa Agoitz gainean amaitzen da, gain interesgarri taldetxo batean amaitu ere: Olaberri (752m), Lan Lorentzo (765m) eta Ollaran (784m) altuena eta interesgarriena. Aurreko bien gailurrak basoak hartuta daude, eta ez digute ikuspegi handirik ikusten utziko. Ollarango gailurra ordea harrizko gandor dotore bat da, paisaia zabalen talaia, batez ere urtegiaren ur urdinen gainean. Hainbat ibilbide abiatzen dira Agoitzetik, eta horrek ziurtatuko digu ez dugula arazo handirik izanen gailurretara iristeko. Olaberriko gailurrean bakarrik aurkituko dugu zailtasunik zuhaixken artean pasatzeko gailurreraino iristeko.