Allaitz Txiki

Allaitzko mendikatean apenas nabarmentzen den gain harritsua da, baina norbaiti txartelontzia jartzea otu zaio eta hori aitzakia nahikoa da gurean ere aintzat hartzeko. Beragatik ez bada aldameneko Allaitz edo Umandiak eramango gaituzte bertara eta tartean dela jakinda ezin bisitatu gabe utzi. Atabarrate lepoak lotzen du HEan Umandiarekin eta gora-behera gutxiko beste batek Iparraldean Allaitzekin. Arazo handirik gabe egin daiteke tarteko bidea, laurdendutako lapiazean barrena, IEko isurialdeko basoa eta HMko eguterako larre harritsuak banatzen dituen bizkarretik.