Idokorri Naparitik
Enviado por zuriain el 2010, Mayo 31 - 14:05.
| Dificultad |
Zailtasun gutxikoa |
| Lurraldea |
Nafarroa |
| ABIAPUNTUA |
Napari |
| Relacionados |
»Idokorri (mendi) |
| Gora-behera | - |
|---|
| Luzera | - |
|---|
| Iraupena | 0:00 - 0:15 |
|---|
Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz
MAPA: Idokorri
Zalantzarik gabe Idokorri mendira igotzeko egin daitekeen txangorik ederrena Aspurgi aldetikoa da, Santa Kolonbako arroila zeharkatu eta sigi-saga mendiaren ekialdeko isurialdean gora.
Hala ere, ez da hori aukera bakarra. Napari herritik ere abia gaitezke txango agian ez hain erakargarri, baina behintzat desberdin bat egiteko.
Naparitik pista zabal batera aterako gara iparralderantz. Amaieraraino jarraituz gero, pista horrek San Estebango baseliza bakartiraino eramanen gintuzke. Peña de Arribaren azpitik igaro eta berehala, lepo batera iritsiko gara, ur putzu baten ondoan. Ordura arteko pista utzi eta beste bat hartuko dugu eskuinetara(ekialdera). Pista horrek Idokorriko bizkarra ipar-mendebaldetik inguratzen du. Igotzeari uzten dionean, eskuinetara bide zabal bat ikusiko dugu. Lurrezko pista honek pinudiaren ertzetik eramanen gaitu gora eta gora Idokorriko erpin geodesikoraino. Ez da hau hala ere, mendiko gailurra. Ordura arteko norabideari eutsi eta orain bidexka estuetan barrena, ezpel eta larre txikien artean iritsiko gara mendiko benetako gailurrera, non Boscos taldeak jarritako buzoi hondatu bat ikusiko baitugu. Ikuspegia nahiko mugatua da. Paisaia zabalagoak ikusi nahi izanez gero, ekialderantz jaitsiko gara, Aspurgiko bidetik, pinudia atzean utzi eta gandorretara atera arte. On egin!
|
