Larraonatik Castillo eta Armontu/Zulazpe

Enviado por zuriain el 2010, Mayo 12 - 08:15.
Tipo de itinerario Joan-etorria bide beretik
Dificultad
Lurraldea Nafarroa
ABIAPUNTUA Larraona
Relacionados »Castillo (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Larraonatik Castillo eta Armontu/Zulazpe
MAPA: Castillo, Armontu/Zulazpe

Larraonatik hego-mendebalderantz aterako gara, pista zabal batetik. Bidegurutze batean estela bat ikusiko dugu. Eskuineko pista hartuko dugu. Pista pixkanaka igoko da, baina berehala hegoalderantz egin eta jaisten hasiko da Artasubielako zubiraino. Arroil eder batean gaude, eta Castilloaren goiko harriak ezkerraldean ikusiko ditugu. Pistak Castilloren leporaino eramanen gaitu. Han pista utzi eta zuzenean ekinen diogu malda gogorrari, bidexka estuak jarraituz. Laster, belarrak harriari emanen dio bidea. Eskuak erabili behar izanen ditugu zailtasun handirik gabeko eskalada batean, baina ohitura apur bat eskatzen duena. Jaisterakoan arreta handiagoa jarriko dugu, batez ere harria bustita baldin badago. Gailurrean zuhaitzen artean bilatu beharko dugu paisaia. Ederki ikusten dira dorre karratuaren hondakinak, eta behialako murruen soslaiak tontorraren inguruan.
Berriz ere lepoan, pista hartuko dugu. Gora egiten jarraituko dugu, Egurtza gain oihantsua inguratuz. Pistak igotzeari uzten dionean, eskin aldera marka hori-zuriak ikusiko ditugu txarrantxa baten hesolan. Markek txarrantxaren alboan eramanen gaituzte, bide estu baina garbi batean zehar. Armontu/Zulazpe gaina koroatzen duen harria ikusiko dugu basoak uzten digunean. Ez dugu txarrantxa utziko, Armontuko gailurreraino. Azken zatian eskalada txiki bat egin beharko dugu arrisku handirik gabea, baina deserosoa mendiko ohitura ez dutenentzat. Gailurra talaia dotore bat da, paisaia zabalak eskaintzen dituena.
Itzultzeko bide beretik egin dezakegu. Dena den, arriskatu nahi dutenentzat, Armontu eta Mendiarre gainen arteko lepoan bide bat ikusi genuen. Oso litekeena da bide hori zuzenean Artasubielako zubiaren inguruetara eramatea. Saia zaitezte, eta horren berri eman...
On egin!

AdjuntoTamaño
Castillo-Zulazpe.gpx109.13 KB
Imágenes