Sierra Txikita

Ioar erraldoitik hasita, Kodes mendilerroak adar bat bidaltzen du mendebalderantz. Adar hau erliebe leunagokoa da, eta altuera ere mendilerroko gain nagusiak baino askoz ere altuera apalagokoa.
Grudoko gain handitik hasita, Humada harria (1157m) da aurkituko dugun lehen gaina. Gero, Sierra Txikitako bi gailurrak topatuko ditugu, altuena (994m) eta erpin geodesikoa duena (978m). Beherago, Portitxueloko lepoa igarota, Kabredoko mendatetik hurbil, Otxanda harria dugu (906m), mendilerroko azken gaina.