San KristobalSubmitted by inaxio on 2005, Junio 9 - 22:18.
Tontorra ©Enezubi Apinaniz herriaren gainean nabarmentzen den gaina da San Kristobalena. Gain apala da, herria baino 300 metro gorago dagoena, eta ez du aparteko berezitasunik gain aldean: ipuruak estali beharrean menderatutako larre eremua da gehiena. Honen inguruan, ordea, basoa da nagusi alde guztietan: Izki izeneko parkeko bazter gehienak bezala. Basoaren hainbat ertzetan harrotutako karaitzezko horma eta haitzek atontzen dute paisaia Hko isurialdean, espazioa banatuz. Ekialdera berriz San Justiraino heltzen den gandorra luzatzen da, gora-behera handirik gabe, San Kristobalerainokoari gutxi iritzi eta ibilbidea osatu nahi duenari jarraitzeko gonbita eginaz. Ondo seinaleztatutako hainbat bide pasatzen da mendiaren inguruetatik eta nabaria da bisitarien ibilia arrasto horietan, parkeak jende asko erakartzen duela dirudi.
|
San Cristobal
Hiru urtez izan nintzen mendi honetan,gurasoekin noski,oso Hunkigarrria izan zen bueltaturatean ia 30 urte beranduago.Mendi polita eta aparta da,nretzat gitxienez