MorezonSubmitted by inaxio on 2005, Junio 9 - 22:18.
Cuento Alto eta Morezoneko gandorra Barrerones aldetik ©inaxio Morezon-ek eskaintzen du Gredos aldeko zirkoaren gaineko ikuspegirik osoena eta oso eskura gelditzen den tontorra da, Plataformatik abiatuta. Ekialdeko isurialdea Cerro de la Cagarruta muinoaren arrimuan gelditzen da, Navasomera-ko larreak eta Las Pozas erreka altzoan jasoaz. Iparraldean gandorra Cuento Alto gaineraino luzatzen da, gorabehera handirik gabe, Barrerones aldera jaitsi baino lehen. Hegoaldeko gandorra ordea hautsia eta zorrotza da, haitz mutur ugari zutitzen dituena. Mendebaldeko isurialdea, berriz, Laguna Grande aldera amiltzen da erreparo handirik gabe, neguan elurrak samurtzen dituen hainbat kanal eta korridore luzatuz zirkoaren oinera.
|