Kakueta / Peñablanca

Kakueta Atuzkarraz mendilerroko gailurrik altuena dugu. Horrek eta herri garrantzitsuek inguraturik egoteak eragiten du seguruenik mendimultzo erraldoi honetako tontorrik bisitatuena izatea. Bai Izabatik (Txorimilo lepoan barrena) bai Urzainkitik (S. Migelgo baselizako hondakinen ondoan pasatuz)handiak dira desnibelak, pinudi eta pagadi sarrietan barrena egiten direlarik, goiko larre zabaletara atera baino lehen. Beste aukera batzuk Binies sakanetik edo iparraldetik, Uztarrotze herritik abiatzen dira.
Zenbait mapatan Santa Barbara izena agertzen da mendi hau izendatzeko, baina badirudi izen hau hegoalderago dagoen beste gailur bati dagokiola, desagerturiko baseliza baten azken oroigarri.