Armuño, UrietagañaSubmitted by inaxio on 2010, Abril 18 - 14:00.
Armuño tontorra ©inaxio Mendi apala izanagatik gainaldean gordetzen duen paisaia ederragatik ekarri dut zerrendara. Inguruko gehienetan (pinudiak itxitako tontorrak) ez bezala, txillar, harri, larre eta haritzez osatutako paisaia irekia da Urietagañan nagusitzen dena. Bereziki aipagarria da hariztia, haren itzalean nagusitzen den ahabia eta hau zeharkatzen duten bidezidor atseginak. Gainean lau muino harritsu nabarmentzen dira, eta horietan iparraldekoena da Armuño izenekoa, Brikola aldera begirako ikuspegi zabala eskaintzen duena. Muino honi dagozkio altuera eta koordenatuak, eta bera da txartelontzia jasotzen duena.
|