ArburuaEnviado por inaxio el 2005, Junio 9 - 22:18.
Arburuako Ama Birjinaren baseliza ©zuriain Seguruenik Arburua Zaraitzuko mendirik ezagunenetakoa izanen da, eta goiko baseliza eskergak zerikusi handia dauka ospe horrekin. Inguruko herri guztietatik (Itzalle, Gorza, Gallotze) bideak abiatzen dira, gurutzeek markaturik. Baseliza behatoki paregabea da inguruko mendien gainetik, baina bertan ez dago mendiko gailurra. Hau bostehun bat metro hegoalderago dago, sasi eta zuhaixken artean, buzoi zahar batek markaturik. Beihala, deabrudunak, sorginduak eta begizkoak jotako jende aunitz etortzen omen zen baseliza honetara erremedio eske.
|