Zalantzazkoa

2 harrespileko multzoa: 1.a, 10 mko diametroa duena eta bestea txikiagoa.

Tumulu itxurako hau topatu nuen atzo Ollarmendiko gailurrean bertan. Hain nabarmena izanik, harritzen nau inon ez agertzeak, ez baitago ezkutaturik. Horrek pentsarazten dit agian adituek ikusi eta benetako monumentua ez zela ohartuko ote ziren. Badaezpada ere, hementxe uzten dizuet: bai itxura eta bai kokapena bikainak dira.

Azaldegiko trikuharritik hurbil, pistaren ertzean, harri hau topatu genuen. Zutarri itxura du, baina hain nabarmena denez, arraroa egiten zait orain arte inork erreparatu ez izana. Ea adituek zer dioten

3 metro luze eta metro bat zabal izango da gutxi gora-behera, eta lodieran ez da arrabete baino gehiago izango seguraski. Lurrean etzanda dago eta goroldio eta txillarrez estalia dago erdia, lurrean pixka bat sartuta. Mutur bat nahiko zorrotza du eta puskatuta dago, metro batez-edo. Ez dakit inoiz zutik egona izango zen, baina ederki emango luke. Dendarietako bordatik iparraldera luzatzen den bizkarraren hasieran dago, ~50 m. beherago.