Arrondoa

Berrendiko buzoia eta erpin geodesikoa nahsagarriak gerta litezkeen arren, Arrondoa harria da Berrendiko mendikateko punturik gorena. Aitzakia ederra talaia bakarti honetaraino hurbiltzeko. GR markez hornituriko bidexka batek zeharkatzen du gainaldea, gailurrak lotuz pagadi eder batean barrena. Hegoaldetik iristen diren bidexkak harrate basati samarretara eramanen gaituzte, bakan erabiliak, eta erosioak jota. Gailurra ez da asko nabarmentzen gandorrean, eta seguruenik GPSaren laguntzaz bilatu beharko dugu. Handik, basoak ipar aldeko bistak eragotziko dizkigun arren, hegoalderantz paisaia zabalak ikusiko ditugu.