Atxarre eta Marua Akordatik abiatutaEnviado por Jose el 2018, Mayo 13 - 13:22.
Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz Akordatik Atxarrera igotzeak, eta handik Gametxora jaitsi eta Akordara itzultzeak ez du aparteko zailtasunik. Bide guztiak oso argiak dira, eta gehienak oso erosoak dira. Maruako bideak ordea badu bere zailtasuna. Oso deserosoa da. Eremu karstiko oso kaotikoan, haitz eta zuloguneak non-nahi. Eta hori gutxi balitz, artadiak ia itoa du bidezidorra. Gainera han-hemenka beste bidezidor asko irteten dira, eta arreta handia jarri behar da bide zuzena jarraitzeko, bai goranzkoan bai eta beheranzkoan ere. Harri pilak badaude puntu batzuetan, eta zintak zuhaitzen arrametan zalantzak sor daitezkeen tokietan (2018ko maiatza). Tontorrak gainera ez du sari handirik eskaintzen ordainetan. Basoak inguratuta, ia ez da ezer ikusten.
|