Malmasinerako biderik laburrena, Buiagoititik

JAG-k sortua, 2013, urria 8 - 00:03
Ibilbide mota Joan-etorria bide beretik
Zailtasuna Erraza
ABIAPUNTUA Buiagoiti auzoa (Bilbao)
Eskema Buiagoiti-Malmasin-Buiagoiti
Lotuta »Malmasin (mendi)
Gora-behera142 m
Luzera-
Iraupena0:15 - 0:30
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Bilboko Zamakola kale luzearen azkenerantz, biribilgunean eskumatara, Ollargan parkera joaten da. Aurrera jarraitu eta Donostiarako autobidearen azpitik igarotzen da errepidea. Gorantz doa, Gasteizko autobidea eskuman paralelo, autobidearen gaineko zubira heldu arte. Zubitik autobidearen beste aldera igaro barik, ezkerretara Buiagoiti auzorako errepidetxoa hasten da (seinalea, Buiagoiti auzoa), bidegurutzean bertan dago aparkatzeko lekua (150 m altu). Buiagoitiko errepidetxoa 100 m jarraitu eta bidegurutzea ezkerretara (seinalea, Buiagoiti auzoko lau atari zk.), 700 m gehiago asfaltoaren gainetik eta Buiagoitin (220 m altu) gagoz. Abiapuntua da, baina behean aparkatzea hobe. Zutabetxo bi dagoz pistatik autoak pasatzea eragozten, hortik jarraitu oinez aldats barik. Berehala pista zabalago batera helduko gara, gorantz jo. Pista gainaldera heltzen danean (10 min), beherantz egiten dau, baina gu, jaitsi barik, eskuman diagonalean hasten dan bidezidorretik sartuko gara, jarleku batzuk dagozan lekutik igaro, estalpetxo baten ondotik aurrera gero, eta, Gazteluko gandorretik, gure ezkerretik datorren bidezidor zabaltxoago batera helduko gara (15 min). Gora egin, alboetarantz urteten daben bidezidorrak baztertuta, eta tontorrean (25 min).

Oharrak:

- Denborak asko laburtu leitekez.