Grand Gabizos

ietxaburu-k sortua, 2012, azaroa 21 - 16:23
Ibilbide mota Joan-etorria bide beretik
Zailtasuna Zailtasun gutxikoa
ABIAPUNTUA Circo de Litor
Eskema Circo de Litor, Larue txabola, Gran Gabizos
Lotuta »Grand Gabizos (mendi) »Grand Gabizos (track)
Gora-behera1419 m
Luzera15 Km
Iraupena6:00 - 8:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Igoera honen kokapena, “Col d’Aubisque” eta “Col de Soulour”en artean dago. Bertara iristeko, “Lourdes”tik “Argeles-Gazost”a joan eta han, “Col d’Aubisque”erako errepidea hartu. Lehenengo Col de Soulour (1.474 m) igotzen da eta gero zertxobait beherantz 2,5 km. gutxi gora behera, tuneltxo bat baino 150 m. lehenago. Hasierako puntua baino 200 m. lehenago, auto pare bat aparkatzeko lekua dago.
Errepidetik (1.359 m.) gorantz bidea hartu (hego aldera), hasieran zuhaitz artean eta gero belarditik, baina beti malda gogorrean. Gero mendiz inguratutako lautada batera iritsiko gara eta han txabola bat ( Cne. de Larue) ikusiko dugu. (1.978 m.), eta aurrean, kareharrizko harresi zabal bat bailitz, Grand Gabizos eta zertxobait ezkerrerago Petit Gabizos. (1,15)
Hego aldera jarraituko dugu gorantz eta gero hego mendebalderantz, mendiaren mendebaldera dagoen leporaino (Col de Peneblanque 2.550 m. 1,15). Orain ekialdera biratu eta kilometro bateko luzera duen gailurretik joko dugu. Toki pare batean edo, trepada erraz errazaren bat egin behar da, baina Pirineotan ibiltzen den batentzat inolako arazorik gabekoa. (1,00)