Aizkolegi Sunbillatik

inaxio-k sortua, 2012, iraila 9 - 22:25
Ibilbide mota Mendiko bizikletaz
Zailtasuna Zailtasun gutxikoa
Lurraldea Nafarroa
ABIAPUNTUA Sunbilla
Eskema Sunbilla - Aizkolegi - Bertiz - Legasa - Doneztebe - Sunbilla
Gora-behera800 m
Luzera38 Km
Iraupena4:00 - 5:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Aizkolegi Sunbillatik
Aizkolegiko jauregia

Pista zabaletan barrena doa ibilbidea gehienean, baina baditu bere zailtasunak.

Igoeran, zuzenean Bertizko barrutian sartu beharrean pista berari jarraituz, aldapan ezkerretara egin (borda bat dagoen bidegurutzean) eta bizkarrera jotzen du, Paretazar gainaren mendebaldeko lepora (Iparleko lepoa). Handik aurrera ere tarteko gainetako bideak zakarrak eta aldapatsuak dira, oinak lurrera lotuta igo beharrekoak gehienean.

Eta zergatik ez jarraitu bide nagusiari? Debekatuta dagoelako Bertizko bailaran bizikletaz sartzea bide horretatik. Oronoz-Mugairi aldean dagoen parketxetik Plazazelaiko lepora doan bidea bakarrik egin daiteke, antza denez, bizikletaz. Dena dela, ikusten denez, txirrindulariak badabiltza bide horietan gora eta behera.

Kontuz ibili beharreko beste tarte bat Aizkolegiko pista nagusitik Plazazelaira jaisten den bidea da, oso pikoa baita, bizikleta gainean jaisteko.

Jauregia bera ere bertara ez gerturatzeko esaten duten panelez inguratuta dago, eta ez da harritzekoa, egoera tamalgarrian baitago.

EranskinaTamaina
aizkolegi-2012-9-9.gpx170 KB
Irudiak