Laurinaga, Mehatze eta Argarai Lindusko pistatik

zuriain-k sortua, 2010, apirila 3 - 20:39
Ibilbide mota Itzulia, jaitsiera beste bide batetik
Zailtasuna Zaila
Lurraldea Nafarroa
ABIAPUNTUA Lindusko pista
Lotuta »Laurinaga (mendi) »Laurinaga, Mehatze eta Argarai Lindusko pistatik (ibilbidea) »Argarai (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Laurinaga, Mehatze eta Argarai Lindusko pistatik
MAPA: Laurinaga-Mehatze-Argarai

Ibilbide hau berez nahiko luzea denez, komeni zaigu alferrik ez ibiltzea, eta gure indar guztiak mendietan ematea. Horregatik, IbaƱetako mendatean bertan mendebalderantz hasten den errepidexka hartuko dugu. Errepide hau Aldudeko Meharroztegiko lepotik igarotzen da, Baigorrira jaitsi aitzin.
Lindus pareko parkinean autoa utzi eta txangoari ekinen diogu. Nahiko erraza da: mendi eta lepoen bizkarretik joanen gara, bi estatuen arteko txarrantxa gidari. Axixtoi eta Xapelarriko kaskoa dira bidean aurkituko ditugun lehen gainak, bizkar luze eta apalak biak. Laurinaga izanen da garrantzizko lehen mendia. Pagadia leporaino bertaraino iristen da mendi honen aurreko lepoan. Gailurrean txartelontzi ttiki bat aurkituko dugu, mendikate luze honetako bakarra.
Aurrera jarraituko dugu, iparralderantz beti. Bidea luzatu eta luzatu egiten da, Izoztegiko maldetan gora eginen dugu. Orain Mehatze eta Argarai mendiak izanen ditugu ikusgai. Kate osoa monumentu megalitiko ugariz josita dago, baina hemen daude egora hoberenean daudenak. Mehatzeko malda hasi gabe, txarrantxaren eskuinaldean bi harrespil eta tumulu bat ikusiko ditugu. Ezkerraldean harrespil txiki bat dago.
Mehatzeko malda gogor baina laburrari ekinik, erpin geodesikora iritsiko gara. Ikuspegia aparta da. Orain lepora jaitsi eta Argaraiko malda gogorrari ekinen diogu. Hau gaindituta, gainalde luze harritsuan izanen gara, altuera beretsuko hainbat harriz zipriztinduta. Badirudi gailurra gainalde horren erdialdean dagoena, harri pila batek hala markatzen du eta.
Itzultzeko, distantzia handia denez, saiatuko gara gora-beherak saihesten. Gain gehienak -ikus mapa- mendebaldetik ingura daitezke bide egokietan barrena gehienetan. Batzuetan, marka gorrixkak ikusiko ditugu lagunduko digutenak.
Kontuz ibiliko gara, zonalde honetan lainoak nahiko ohikoak baitira. Halakoetan, txarrantxa gidari izanen gaitu, gps edo bruxula ezean.
On egin!

EranskinaTamaina
Laurinaga-Mehatze-Argarai.gpx196.32 KB
Irudiak