Atsagarbia Igariko mendatetik

zuriain-k sortua, 2010, urtarrila 25 - 12:59
Ibilbide mota Itzulia, jaitsiera beste bide batetik
Zailtasuna Zailtasun gutxikoa
Lurraldea Nafarroa
ABIAPUNTUA Igariko mendatea
Lotuta »Atsagarbia (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Atsagarbia Igariko mendatetik
MAPA: Atsagarbia

Igariko mendatean autoa utzi eta gure gainean, ipar-ekialdean, dagoen mendi mazela pinuz josiari ekinen diogu, iparrerantz. Berehala pista belartsu batean egonen gara, mendi sokaren gainaldean gora egiten duena: Ardibidea da. Pinudiak bi aldeetan izanen ditugu, baina noizbehinka zabaldu eta paisaia ederrak ikusiko ditugu. Pistak gorabehera batzuekin egiten du iparrerantz, eta aldapa behera handi bat eginda, Atsagarbiako harria ikusiko dugu, dagoeneko nahiko hurbil. Track eta mapan ikusiko duzuenez, gu mendebaletik hurbildu ginen harrira, hasieran bidexka nahiko egoki batetik, baina gero basoa itxi eta xenda ikusgaitzetan barrena egin genuen zailtasun handiekin. Itzultzeko aukeratu genuen bidea garbixeagoa da, batez ere azken zatian, ardibidearen ibilbidetik. Agian, gomendagarriagoa izanen da joan-etorria bide honetatik egitea. Horretarako, gailurra utzi eta Atsagarbiaren ekialdeko kota nahiko zikin bat igaro beharko dugu. Behin kota pasaturik, ekialderantz bideska bat ikusiko dugu, bide honek mendia ekialdetik inguratu eta berehala hegoalderantz hasten da. Minutu batzuetan ardibidean egonen gara, berriz ere Igariko mendatera eramanen gaituena.

EranskinaTamaina
Atsagarbia-ZURIAIN.gpx39.56 KB
Irudiak