Sanguein-Otsaurka Munarriz herritik

zuriain-k sortua, 2009, azaroa 20 - 14:40
Ibilbide mota Itzulia, jaitsiera beste bide batetik
Zailtasuna Zailtasun gutxikoa
Lurraldea Nafarroa
ABIAPUNTUA Munarriz
Lotuta »Sanguein (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Sanguein-Otsaurka Munarriz herritik
MAPA: Sanguein-Otsaurka Munarriz herritik

Ibilbide honek ez du zailtasun handirik, baina ez da komenigarria lainoa edo eguraldi kaskarreko egunetan. Halaber, komeni da erantsitako mapa erabiltzea azalpenak hobeki ulertzeko.

Munarriz herritik abiatuko gara, dorre ikusgarriaren parean. Pista bat hego-mendebaldera ateratzen da herritik alor artean. Santa Kruz gain apala inguratuko dugu hegoaldetik. Luze gabe, pista uzteke, Elimendi eta Zoiolagaina ikusiko dugu. Pista bi mendion arteko lepora eramanen gaitu, aukera emanez biak ala biak igotzeko. Lepoan mendebalderantz jarraituko dugu. Borda baten parean, iparralderantz doan pista batekin eginen dugu topo. Begien bistan izanen dugu Sangueingo branka, baina oraingoz sakan batek bereziko gaitu menditik. Pista ipar ekialderantz jarraituko dugu, zelai ederretara atera arte. Orain -ikus erantsitako mapa- Sangueingo aldapari ekinen diogu zailtasun handirik gabe. Txartelontzira iristeko brankaren puntaraino joan beharko dugu, nahiz eta toki hori apalxeagoa izan. Itzultzeko bide bera erabil dezakegu edo mapan adierazitakoa jarraitu. Zilerteko gainera igotzeko ez dago bide zehatzik, eta basoak traba handirik jarri ez arren, atakarik gabeko txarrantxa bat pasatu behar da. Nekea merezi du, Zoiolagaina eta Altoredondo arteko parajeak ezin ederragoak baitira.

EranskinaTamaina
Sanguein-ZURIAIN.gpx99.99 KB
Irudiak