Txitxirimuria Erronkaritik

zuriain-k sortua, 2008, urria 9 - 09:18
Ibilbide mota Joan-etorria bide beretik
Zailtasuna Zailtasun gutxikoa
Lurraldea Nafarroa
ABIAPUNTUA Erronkariko errepideko 20. kma
Lotuta »Txitxirimuria (mendi)
Gora-behera-
Luzera-
Iraupena0:00 - 0:15
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Txitxirimuria Erronkaritik
MAPA: Txitxirimuria

Argi ibili behar da bidea ez galtzeko, baina posible da Txitxirimuria kalte handirik gabe igotzea: Burgi eta Erronkari arteko errepideko 20. km.an, autoa utzi eta zubi txiki bat zeharkatuko dugu. Hogei bat metro ibilita, ez diogu kasurik eginen ezkerretara ateratzen den bidexkari. Botxuela sakan basatiaren eskuinaldetik igotzen da, baina ez gaitu behar den tokira eramanen. Aurreraxeago, bidea utzi eta ekialderantz eginen dugu, markak eta harri pilak dauden aldapa harritsu batean gora, ipar-ekialderantz. Malda harrisu horren goialdean bide on bat aurkituko dugu eta berehala Botxuela sakanaren ikuspegi ederra daukan talaia bateraino iritsiko gara. Handik aurrerakoa erraza da: mendien gandorretik ibiliko gara beti, hego-ekialderantz borda zaharrak lotzen zituen bideari jarraikiz. Txitxirimuria eskuinaldean ikusiko dugu.

Behin Txitxirimuriaren oinetan, nik ez nuen biderik aurkitu. Bidexka erdi galduetan gora egin nuen, baina ba omen da bide bat.

Gailurra ezin airosoagoa da. Diputazioaren takoaz gain, guk jarritako txartelontzi ttiki bat ere topatuko duzue. On egin ; ). ZURIAIN

P.D. Erantsitako mapa guztiz orientatiboa da. Ahal denean gps tracka igoko dut.

EranskinaTamaina
Sin título-1.jpg291 KB
txitxirimuria.gpx39.11 KB
Irudiak

***