Larri bailarara ibilaldi lasaia

Enviado por Jose el 2007, Marzo 21 - 20:50.

Tipo de itinerario	Joan-etorria bide beretik
Dificultad	Erraza
Lurraldea	Huesca
ABIAPUNTUA	Pineta bailara
Esquema	Pineta - Larri bailara - Pineta
Relacionados	»Pineta bailara (mendi)

Gora-behera	300 m
Luzera	8 Km
Iraupena	2:00 - 2:30

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Larri edo La Larri bailara, Pinetako bailararen albo batetan dagoen bailara glaziar txiki polit bat da. Bertara igoera edozein mendizalerentzako moduko ibilaldi lasai eta atsegina da.

Errepidea bukatzen den tokian Pinetako amabirjinaren ermita eta paradore bat daude. Hauek baino zertxobait lehenago Cinca erreka zubi baten bitartez gurutzatuz gero aparkaleku zabal bat dago, eta kanpatzeko eremu bat (1277 m.).

Aparkaleku honetatik abiatuko gara, mendebalderantz doan bidetik. Basoan sartuko gara, eta laster baimenik gabeko ibilgailuei bidea ixten dien katea pasatuko dugu. Oso aldapa leunarekin altuera irabazten goaz. Bidearen ezkerraldean iturri bat aurkituko dugu, eta laster Cinca erreka gurutzatuko dugu.

Bideak basoan barrena jarraitzen du, zirkuko magalei jarraituz ekialderantz jiratuz. Beste erreka bat gurutzatuko dugu, urjauzi txiki baten ondotik. Bizpahiru sigi-sagaren ondoren basotik irten eta Larri bailara ederra irekiko zaigu begien aurrean (1567 m.; 1h15’).

Erreka garden batek zeharkatzen du bailara zabal hau, menditik jauzi batean erortzen den txokora heldu arte. Urjauzia ikusgarria da, uraren emaria handia denean batez ere.