Ugagibel

Berrendi mendilerroak adar apalago eta leunago bat luzatzen du iparralderantz, Orbaitzeta herriaren gainean begiratoki aparta eskaintzen duena. Adar honetan bi gain aurki ditzakegu Zelaneko lepo zabalaren iparraldean: Ugagibel eta Arriedergaina.
Ugaibel (edo Ugagibel) altuena da, eta Irati eta Abodiren gaineko ikuspegi zabalak eskaintzeaz gain, gailurrean bertan trikuharri bat izateko berezitasuna dauka.
Arriedergain (edo Arriedergerria) iparralderago dago eta apaxeagoa bada ere, behatoki ezin hobea da Orbaitzeta eta inguruko herri eta mendien gainean.
Pista zabal bat dago Hiriberritik Zelane leporaino doana, baina badago ibilbide interesgarriagorik: Hirriberritik bertatik Berrendiko antenatxora igo gaitezke Arratarbepea harratean gora (kontuz ibili behar da izotza, ihintza edo euriarekin) Hortik arazorik gabe jaitsi daiteke Zelane lepora, Berrendira joan edo gabe. Bestalde, badago bide seinalizatu bat Orbaitzetatik, aurrekoarekin elkar genezakeena.