Rutas

Mendiko bizikletaz egindako ibilbide zirkular hau Orozkoko auzunea den Ibarratik abiatzen da. Bikotxganara igotzen den errepidea jarraitu behar da Gallarturaino.

Han, errepidea utzi eta basoan barneratzen den porlanezko bidea hartu behar da. Aldapan gora egiten du etengabe, baina malda eramangarriarekin.

Bide honek Areatzatik igotzen den bidera ematen du, Pagomakurrera iristeko kilometro bat inguru falta delarik. Pagomakurren iturri bat aurkituko dugu.

Usartzako atsedenlekutik abiatuta, ibilbide zirkular bat eginez, Akondia, Garaigoiti eta Kalamua kateatzen dira. Itzuleran, aurreneko bi mendiak mendebaldetik inguratzen dira, gorabehera gutxirekin.

Arratsalde pasako mendi ibilaldia. 3 orduko iraupena.

Ibilaldia Ermuako herrian bertan abiatzen da. Nik Osasun-etxearen inguruan aparkatu nuen, eta hortik gora ekin Elorreta bideari jarraituz. Herritik irten eta berehala lehen bihurgunean senda bat hartuko dugu ezkerretara. Hemen Artarrai aldera daraman senda estu eta maldatsu bat abiatzen da, ez du aparteko arazorik, senda estua da baina garbi dago.

Ibilbide erraza eta oso ezaguna, bai Eskasetik Artikutzara jaisten den bidea eta bai trenbide zaharrari dagokion tartea; ibiltari askorekin egingo duzue topo eguraldi oneko edozein asteburutan. Ederra da bai bidea bera eta bai ingurunea. Basoan barrena doa gehienean eta ondo seinalatuta egoteaz gain ibiltarien joan-etorrien ondorioz xenda oso nabarmenduta dago.
Badira bidean hainbat gune aipagarri: Erroiarri urjauzia, duela gutxi hustutako urtegia, Artikutza auzoa, errotarrien harrobia, Euskal Herriko lur zaharrenak gordetzen dituen pasartea, trenbide zaharra...