Ibilbideak: Gipuzkoa

Lurraldeak

Ibilbide mota

Jose-k sortua, 2014, abendua 14 - 09:43
Kategoriak Aramaio, Arrasate, Atxondo, Elorrio
ABIAPUNTUA Kanpazar
Eskema Kanpazar – Udalaitz – Besaide – Teilamendi – Ipiztekoarriaga – Arrazola

GR 123 Bizkaiko Biraren 8. etapan, jatorrizko ibilbideari aldaketa bat egin diogu. Kanpazar mendatetik abiatuta, Udalaitz eta Teilamendi tontorretatik igaro ondoren, Urkiolan amaitu beharrean, Arrazolara jaistea proposatzen dugu, ibilbide ezezagunago eta interesgarriago bat delako ustetan.

Aurreko etapak baino gogorragoa da, Kanpazartik Udaitzera igoera pikoa delako oso. Baina ibilbidea nabarmen arintzeko aukera dago, bai Udalaitz eta bai Teilamendi igotzea ekidin baitaitezke magaletik inguratuz. Bidea jarraitzeari dagokionez, zailtasun bakarrak Udalaitzetik Besaidera jaisterakoan daude, bidezidorra traketsa delako eta ez delako batere nabarmena, eta lainoa sartuz gero dezente gaiztotu daiteke. Gainontzean ez dago zailtasun aipagarririk.

inaxio-k sortua, 2014, azaroa 30 - 09:55
Kategoriak Gipuzkoa
ABIAPUNTUA Lezo
Eskema Lezo - Lehenengo dorrea - Mitxintxola - Pasaiako badiako sarrera - Donibane - Lezo

Lezoko Kultur Etxearen ingurutik abiatu eta aldapari ekiten dio berehala ibilbideak, lezoar askok Jaizkibelera igotzeko urteetan zehar sakondutako arrastoan gora. Beste hainbat bidezidor gurutzatuko ditugu bidean, arreta jarri beharra dago bidegurutzeetan. Bizkarrera iristean Mendebaldera jo behar dugu, lehenego dorrearekin topo egin arte. Handik errepidera jaitsi eta beste aldean jarraitzen duen bidezidorrari jarraituko diogu, Talaia bidearen markak jarraituz, Mitxintxola izeneko muinoaren oinera heldu arte.

inaxio-k sortua, 2014, urria 5 - 18:10
Kategoriak Gipuzkoa
ABIAPUNTUA Ibarrola (Irun)
Eskema Ibarrola - Burutaran - Belbio - Aitzondo - Irugurutzeta - Enbido - Meazuri - Sarjiñola - Gorostardiko bidegurutzea - Erlaitz - Pagogaña - GR11 - San Martzial - Aldabe - Ibarrola

Lehenengo eta behin, GPS arrastoa ez da nirea, hemen duzue jatorria. Nik ibilbidea arrasto hori jarraituz egin nuen, aldaketa txiki batzuekin, baina nire GPSak huts asko egin zituen Aitzondoko errekaren inguruetan eta nahasgarri gerta daitekeenez, jatorrizkoa aipatu dut hemen. Nirea ikusi nahi izanez gero, hemen ikus dezakezue.

inaxio-k sortua, 2014, uztaila 28 - 20:50
Kategoriak Gipuzkoa
ABIAPUNTUA Astigarragako Benta
Eskema Astigarragako Benta - Liztorreta - Idoia - Malbazar - Urdaburu zeharra - Ugaldetxo - Latse - Akola - Landarbaso zeharra - Liztorreta - Astigarragako Benta

Bidean aipagarri: Akolako parkea Ereñotzu aldean, hainbat monumentu megalitiko aipagarrirekin eta Txirrita Bertsolariaren omenezko harrizko irudia, nahiko ahaztuta, Latse aldean.

inaxio-k sortua, 2014, uztaila 12 - 18:31
Kategoriak Gipuzkoa, Nafarroa
ABIAPUNTUA Astigarragako Benta
Eskema Astigarragako Benta - Alcampo - Bidegorria - Altzibar - Sorondo - Irubirita - Añarbe - Añarbeko Presa - Goizuetako errepidea - Ugaldetxo - Hernani - Astigarraga - Astigarragako Benta.

Añarbe urtegia inguratzen duen pista oso aproposa da mendiko bizikletarako, baina badu eragozpen haundi bat: ezin da presa gainetik pasa eta ezinezkoa da itzulia osatzea, bizikleta bizkarrean hartu eta nahiko aldapa txarretan ibili gabe. Errenteriako Udalari dagokion aldean (Goizuetari dagokio presaren beste aldea) ez dago Goizuetako errepidera jaisteko biderik... zabalik. Ze egon badago errepide bat urtegia inguratzen duen pista bukatzen den lekutik Goizuetako errepidera jaisten dena, baina tarte horretan hesiz itxita dago.

Jose-k sortua, 2013, abendua 31 - 10:48
Kategoriak Bergara, Elgeta, Elorrio, Ermua, Zaldibar
ABIAPUNTUA Ermua
Eskema Ermua – Aixola – Erdella – Intxorta – Kanpazar

GR 123 Bizkaiko Biraren 7. etapak Ermuan du abiapuntua, eta Kanpazar mendatean helmuga, hurrengo etaparako geratuko den Udalaitzen barrenean. Bi tontorretatik pasatzen da, Erdella eta Intxorta. Etapa erreza dela esan daiteke. Labur xamarra da, eta bideak erosoak dira ibilbide osoan zehar. Bide zuzena aurkitzea erreza da gainera, ondo seinaleztatuta dagoelako eta hartu beharreko bidea zein den erraz antzematen delako ia toki guztietan.

Jose-k sortua, 2013, abendua 6 - 17:33
Kategoriak Eibar, Elgoibar, Ermua, Markin-Etxebarria
ABIAPUNTUA Urkarregi
Eskema Urkarregi – Kalamua – Garagoiti – Akondia – Usartza – Ixua – Urko – Ermua

GR 123 Bizkaiko Biraren 6. etapa laburra baina menditsua da. 4 tontorretatik igarotzen da. Kalamua (edo Maaxa), Garagoiti, Akondia (edo Arrikurutz) eta Urko, baina ezin daiteke esan etapa gogorra denik, aldaz gorako tarteak ez baitira oso luzeak. Etapa hau kontrako noranzkoan eginez gero gogorragoa izango da, Ermua Urkarregi baino beherago dagoenez goranzko tarte gehiago daudelako, Urkora igoera bereziki. Dena den, Garagoiti eta Akondiako tontorretatik pasatzea ez da beharrezkoa. Mendebaldetik ingura daitezke, gorabehera gutxirekin.

Jose-k sortua, 2013, abendua 1 - 22:02
Kategoriak Berriatua, Markin-Etxebarria, Markina-Xemein, Mendaro, Mutriku, Ondarroa
ABIAPUNTUA Ondarroa
Eskema Ondarroa – Santakrutz – Tontorramendi – Arnoate – Urkarregi

GR 123 Bizkaiko Biraren 5. etapak kostaldetik barnealderantz egiten du, Gipuzkoa eta Bizkaiko muga jarraituz, Ondarroan hasi eta Elgoibar eta Markina lotzen dituen Urkarregi mendatean amaitzen delarik. Mendi tontor batetik igarotzen da etaparen hasieran, Tontorramendi, baina aurrerago ibilbideak altuera handiagoa ere hartzen du, beste tontorrik zapaldu ez arren. Tarte gehienetan pinudietan zehar doa bidea, eta ikuspegi askorik ez du eskaintzen.

inaxio-k sortua, 2013, abuztua 14 - 14:37
Kategoriak Bizkaia, Gipuzkoa
ABIAPUNTUA Udala (Arrasate)
Eskema Udala - Udalatx gandorra - Besaide iturria - Udala

Udala aldeko igoera tipikoa, aldapa pikoan gora. Gandorraren zeharkaldia eginez Besaide aldera jaisten da, gero Hegoaldeko isurialdea zeharkatuz itzultzeko.

Igoera gogorra da, sigi-saga eginez artadian barrena lehendabizi, agerian gero, gandorrera heldu arte. Jende asko badabil, erne ibili beharra dago ibiltariek amildutako harriekin, harri ugari baita bidean. Eta euria bada, erne loia eta boten igurtziarekin leundutako harriekin.

Gandorrean arreta jarri beharra dago arrastoa galdu gabe; eta lainoa bada, zer esanik ez, tontorra amildegiz inguratuta baitago.

inaxio-k sortua, 2013, apirila 13 - 20:56
Kategoriak Gipuzkoa
ABIAPUNTUA Itsasondo
Eskema Itsasondo - Urkia auzoa - Santa Kruz ermita - Leziako lepoa - Arrapaitz - Murumendi - Zaateko lepoa - Lizardi - Zubinerrota - Berostegi - Itsasondo.

Zailtasunik gabeko ibilbidea da berez, baina euriteen ondoren lokaztuta egon daiteke tarte askotan. PR Gi-53 eta PR Gi-54 bideen arrastoa jarraitzen du tarte batzuetan. Igoera osoa izartxo more batzukin markatuta dago.