Rutas: Oinez

Lurraldeak

Ibilbide mota

Enviado por Jose el 2007, Agosto 13 - 20:09.
Categorías Nafarroa
ABIAPUNTUA Uharte-Arakil
Esquema Uharte-Arakil - Uharte-Arakileko portua - Beriain

Lehenengo begiratuan ezinezkoa dirudien arren, Beriainen iparraldeko amildegi ikusgarriak gainditzea ez da batere zaila. Uharte-Arakiletik abiatzen den bide bat amildegia hain malkartsua ez den tarte batetaz baliatzen da mendi-gaineko larreetara pasabidea aurkitzeko. Malda handia da, baina ez dago bestelako zailtasunik. Oso erabilia denez mendizaleen oinek bide garbia ireki dute, eta erreza da bide zuzena jarraitzea.

Enviado por Jose el 2007, Agosto 9 - 22:32.
Categorías Huesca
ABIAPUNTUA Selva de Oza
Esquema Selva de Oza - aterpea - Gaztelura sartzeko ataka - Acherteko Gaztelua

Inguruan altuagoak diren tontor asko izan arren, mendizale asko erakartzen ditu Acherteko Gazteluak. Eta ezta gutxiagorako. Bere geologia bitxiak edonoren arreta bereganatzen baitu. Lur gorri-gorria eta kare-haitza tartekaturik, eta hormatzarrak. Alde guztietatik begiratuta ere gaindiezinak diruditen hormek bailara berde txiki bat gordetzen dute. Izan ere, benetako gaztelu baten itxura du. Izena aproposa du, zinez.

Badago ordea bertara sartzerik. Hego-mendebaldeko hormek zirrikitu bat dute, zailtasunik gabe Gaztelu barrura sartzeko atea. Eta mendi-tontorraren berezitasuna gutxi balitz, Selva de Ozatik igotzen den bidea oso polita da. Lehenengo zatian baso eder bat zeharkatzen da, eta ondoren, Gazteluaren eta inguruko mendien ikuspegi ederra eskaintzen duen belardi batetan zehar gerturatzen da, Gazteluko hormei erasoa jo aurretik.

Enviado por Jose el 2007, Agosto 7 - 18:27.
Categorías Huesca
ABIAPUNTUA Ozatik Aguas Tuertasera igotzen den bidea
Esquema Aguas Tuertas - Escalé lepoa - Estanes aintzira

Aguas Tuertas goi-lautada bitxiak jende asko erakartzen du Aragón Subordán errekak sortutako bata bestearen segidako meandroak bertatik bertara ikustera. Eta ohikoa da ibilaldia Estanes aintzirara joanez luzatzea.

Enviado por Jose el 2007, Agosto 4 - 23:00.
Categorías Gipuzkoa
ABIAPUNTUA Azkoitia
Esquema Azkoitia - Aitza - Kakueta - Izkiturri - Zamaleku - Erlo - Xoxote - Xoxoteko aterpea - Inazio Donearen irudia - elurzuloa - Nahargun - Goiko Saletxe baserria - Azkoitia

Ibilaldi hau Azkoititik Izarraitzera igotzen da nahiko zuzena den bide batetatik, eta mendikateko tontor aipagarrienak diren Kakueta, Erlo eta Xoxotetik igaro ondoren mendikatea hegoaldetik inguratuz Azkoitira itzultzen da.

Enviado por Jose el 2007, Julio 9 - 19:57.
Categorías Gipuzkoa
ABIAPUNTUA Altzo
Esquema Altzo Muino - Arteota - Pagoaundiko tumulua - Laparmendi - Otsabio - Altzo Muino

Ibilaldi zirkular honek, Altzotik abiatuta Otsabio eta Laparmendik osatzen duten mendikate txikiaren hego-mendebaldeko magaleko basoa zeharkatzen du gora-behera gutxirekin, ondoren mendi-bizkarrera igo eta gandorretik itzultzeko, aipatutako tontorretatik igarota. Gandorretik ibiltzea nahiko deserosoa da zati askotan, haitz biziz osatuta dagoelako, eta luze egiten da, baina oso polita da.

Enviado por Jose el 2007, Julio 7 - 20:37.
Categorías Huesca
ABIAPUNTUA Canfranc
Esquema Canfranc - Ip aintzira - Canfranc

Pala de Ip eta Collarada artean kokatuta, ekialde-mendebalde norabidea duen bailara txiki bat da Ip bailara. Goialdeak jatorri glaziarra du, aintzira eta guzti. Behealdea berriz errekak sakon landua izan da denboraren joanean. Ip errekak Aragoi ibaiari eskaintzen dizkio bere urak Canfranc herria baino zertxobait gorago, eta inguru horretan bailaran gora aintziraraino doan bidezidor polit bat abiatzen da. Basotik hasieran, eta goi-larreetan gero, galerarik ez duen bideak bailararen bukaera osatzen duen zirkura eramango gaitu. Aintzira inguratuz, La Tronquera, Pala de Ip, Punta Escarra, Hombro de Escarra, Punta del Águila, Pala de Alcañiz, Los Cuchillares, Peña Nebera, El Fraile eta Collarada mendiek osatzen dute Ipeko zirkua. Ip aintzira hauetako edozeinetara igotzeko abiapuntua izan daiteke.

Enviado por ietxaburu el 2007, Junio 26 - 17:29.
Categorías Iparraldea, Nafarroa
ABIAPUNTUA Logibar (Holtzarteko parkina)
Esquema Logibar-Larrañe-Erroimendi-Alupiña-Orhi-Erroimendi-Holtzarte-Logibar

Logibarretik abiatuko gara. (Holtzarteko arroilaren sarrera). Bertan, parkina badago eta kotxea uzteko arazorik ez dago.

Errepidea jarraituko dugu Larraine herriraino. Herriaren sarreran, kamino nagusia eskuinetara utzita, ezkerretik beste herriko kale bat dago. Hemendik segi eta berehalaxe, ezkerretara, etxe baten ondotik, mendian gora bide bat hasten da. Ez dago inolako kartelik, baina bi edo hiru minutu ibili ondoren, Erroimendira doala seinalatua dago.

Enviado por ietxaburu el 2007, Junio 2 - 20:51.
Categorías Nafarroa
ABIAPUNTUA Areso
Esquema Areso, Guratz, Gorriti, Ulizar, Areso

Areso herriaren sarreran, ezkerretara (ekialdera) bide bat hasten da Autopista alderantz . Hamar minutu baino lehen, Autopistaren azpitik igarotzen da eta berehalaxe, pista utzi eta ezkerretara doan bidea hartu behar da. Bide hau lepo batera doa eta hara iritsi baino lehen, pagadia nagusitzen hasten da. Hemendik aurrera, eta Guratzera iritsi arte, ia dena pagaditik izango da. Lepotik (676 m), biderik gabe, hegoaldera dagoen tontorreraino (842 m). Tontor hau eta hurrengo biak ere, pagadia izan arren, harritsuak dira.

Enviado por ietxaburu el 2007, Junio 2 - 20:26.
Categorías Iparraldea
ABIAPUNTUA Germieta (Baigorritik 2,5 kilometrora)
Esquema Germieta, Oilarandoi, Adartza. Munhoa, Germieta

Baigorri herritik gertu dagoen Germieta herritxotik (212m.) abiatuko gara.

Enviado por Jose el 2007, Mayo 26 - 15:59.
Categorías Bizkaia
ABIAPUNTUA Arrazola
Esquema Arrazola - Anboto Sakona - Mariren koba - Anboto - Zabalaundi - Arrazola

Anbotok Arrazola aldera Euskal Herriko hormarik garaiena omen du: 1100 m. Bide ezberdinak daude tontorrera iristeko. Jarraian azaltzen dena zuzenenetako bat da. Tontorretik iparraldera amiltzen den Anboto Sakona izeneko bailara aldapatsuaz baliatzen da tontorrera gerturatzeko, eta ondoren ipar-ekialdeko aurpegira pasatzen da azkeneko metroak bertatik egiteko. Tontorrera igotzeaz gain, ibilbide honek Mariren koba bisitatzeko aukera eskaintzen du, ibilbidetik zertxobait desbideratuz gero.