Rutas: Oinez

Lapurdiko mendirik garaiena. Nafarroako Otsondo mendatean eskuinaldera joko dugu errepidexka batetik Arretxexuriko leporaino. Bertan aparkatu eta iparralderantz joko dugu. Ibilbideak pista saihesten du zenbaitetan, batzuetan bideko monumentu megalitikoak ikusteko. Lizartzu, Antsestegi eta Iguzkimendi mendiak eskuragai izanen ditugu. Ibilbide luzea da.

Arradoi mendira igotzeko bide labur-laburra. Hartxuriako orientazio mahaia igotzen duen errepidean autoa utzi eta ordu erdiz joanen gara gailur itxi honetaraino. Txangoa berez oso interesgarria ez denez, Hartxuriako orientazio mahairaino joan gaitezke autoz edo oinez.

Jara mendia igotzeko ibilbide zuzena, pistetan barrena tarte gehienetan, astuna egin daiteke, beraz. Autoa Jauberribordaren saihesbideraino igo genezake, errepide zati bat saihesteko.

Ezkirin-Añolatz mendia Plaxaxelai lepotik. Kateko beste hainbat mendi izanen ditugu eskuragai, berez ibilbide laburra den honetan.

Irugain Harria, Jakoistigaina, Txitxurrondo Aietxu herritik. Txango erraz eta atsegina mendi ezezagun hauetara. Zati labur batzuk biderik kanpo edo bidexka erdi itxietan barrena.

Karrobideko tuneletik Zalakarte, Atxote eta Itxalasun mendiak. Txango ederra, Elkeraino luza daitekeena. Zati batzuk bidetik kanpo eta eremu harritsu eta sasiz josian barrena eginen dugu.

Eugitik Amuz-Artzabal mendia eta Erroko Harria izeneko talaia igotzeko ibilbidea. Itzulera pista luze-luze batetik egin genuen, baina beste bide laburrago batzuk erabilten ahal dira, baita etorritako bidetik itzuli.

Txanagra eta Egiluzea mendiak Garaioa herritik. Irurigietako zutarriraino luzatuko dugu ibilbidea, eta Bizkailuz mendia ere eskuragai izanen dugu.

Meateko Kaskoa mendia Bertizko parketik. Hainbat trikuharri ikusteko ibilbide ederra: Trackean zein mapan denak aukituko dituzue. Batzuetan bidetik kanpo ibiliko gara, kontuz beraz tarte horietan. Oteixon mendia igotzeko aukera ere badago, zailtasun handirik gabe.

Arriedergain eta Ugagibel mendiak Aezkoako Hiriberri herri ederretik. Gainaldean kontuz ibiliko gara elurra, eguraldi kaskarra edo lainoa denean.