Rutas: Oinez

Gorriti herriko sarreran autoa utzi eta Musaio mendira abiatuko gara.

Atxulegi lepotik abiaturik, Bardakomendira igoko gara. Txangoa luzatu nahi izanez, gero, hor dago Alkaxuri mendia.

Baztango mendi ezezagun hauetara igoko gara, bide isil haietaz gozatuz.

Aezkoako goi-ordokiko gain hauetara igoko gara, Abaurregainetik abiaturik. Txango gehiena pistetan barrena eginen badugu ere, mendietako azken metroak bidetik kanpo eginen ditugu. Gazteluandiko gailurrera iristeko karst deseroso baina labur bat zeharkatu beharko dugu.

Otsagabitik abiatuko gara mendi nahiko ezezagun hau igotzeko. Txango gehiena pistetan barrena eginen dugu, mendiko azken txanpa kenduta.

Basaburuko mendi ezezagun honetara igoko gara. Beruetetik abiatzen den errepidexka hartuko dugu Iontza leporaino. Bertatik, bide egokietan barrena ibiliko gara. Azken txanpa basoan zehar eta biderik gabe egin beharko dugunez, kontuz ibiliko gara. Txango aproposa udan egiteko, pagadietan fresko ibiliko baikara.

Txango laburra Malerrekako bazterren gaineko talaia eder hori bisitatzeko.

Aixitako gaztelua eta Ardantzezarra menditxoa bisitatuko ditugu, txango zirkular batean.

Txango labur eta zirkularra mendi apal hau ezagutzeko.

Inarbil auzotik abiatuko gara Auzaren itzalpeko gain ez oso ezagun hauei bisita egiteko. Bidenabar, hainbat megalito ikusiko ditugu. Trackean Inarbildik egin beharreko ibilbidea agertzen bada ere, autoz joan gaitezke Sorginetxe trikuharriraino, eta bertan aparkatu.