Rutas: Oinez

Motxorro mendia bisitatuko dugu, Aretako goi lautada zeharkatuz. Harkaitz erraldoiek osatzen dute gailurra, eta kontuz ibili behar da. Seguru ez bazaude, harrien ondoan geratu, paisaia ederki ikusten baita bertatik ere.

Errenaga eta Pagota mendiak guardetxeko aparkalekutik. Pistaz eginen dugu bide gehiena. Kontuz lainoa edo eguraldi txarrarekin.

Txango ederra, Bertizko basoan zehar gehienbat. Bagolako Gaineko azken txanpa zikin samar dago, baina ibiltzeko modua.

Basakaitz mendira igoko gara, txango zirkular batean. Ibilbide osoa hostapean eginen dugunez, txango aproposa da udan egiteko. Batzuetan bidetik aterako gara, beraz beharrezkoa izanen dugu GPSa, mapa edo beste orientazio tresna batzuk.

Baztango bihotzeko mendi hauek igoko ditugu, Elizondotik hurbil dagoen Etxaideko errotatik. Bide egokietan barrena ibiliko gara, mendietako azken txanpetan izan ezik.